عَفيَه وطن تتحَمل وتلهم صبر
من اسنين من غَصبَن عليك
إرحاّك تِطحَن إبناسَك طَحِن
هو إنت إشبديك ؟ ؟؟؟؟؟؟
دوم النار ما تحرِك إلاّ رِجِل واطيهَ
وجَمرَك إموَجَر بَس إلَك يِجويك

خَويَك يزيد النار إلَك
أبَد ميحاوِل يِطَفيك
يا حسافه يا عراق
إتلوع طول الوَكِت....تصرَخ وترِد لِوَرَه
مَحَد يِلتِفِت ؟ ؟ويكلَك إشبيك ؟ ؟
ويِشِل جروح الخَزِنَت
ويِضَمدهَه .....ويداويك ؟ ؟

من ابلاد غربه ؟ ؟ هو شيفيد أحمَر دمع
من نبجي عليك ؟ ؟
ونكثر بالدعاء تعبر المحنه وتوصل
الى بر الامان الباري يحميك
لكن ....ما درينَه انواع المَآسي
من جديد إترِد عَليك
وصراعات الكراسي باقيه
إتجيبَك ......إتوَديك
إتفوج إبروج عالي من الكَوارِث
دخانهَه .....يِعميك
تركض وتتألم وقبل ما توكَع
تكثَر سجا جين التدَمّيك
وزادت إرماح .....الغَدِر ابحقدهَه
إتنيشِن.....إتصَوُب عليك
يا شعب يا مظلوم ؟ ؟ ؟
تايه إبنص الدرب وينَ اليدليك ؟ ؟ ؟
يا شعب يا مظلوم ؟ ؟ ؟
ضايع ابنص الدرب منهو اليدليك
********************

ستوكهولم العاشر من آب