الى الذين تحملوا عذابات ومعاناة السجون والمعتقلات من الذين على قيد الحياة او الذين استشهدوا او ماتوا وهم بحسرة الزفة ....الى ارهب سجن في العالم نگرة السلمان الى السماوة الامل ......
شوسع جرحي ....شوسع هضمي
طبت ذيب ومحزم
چتل سهمي
أمحضرها المنية لحد صچيچ الموت
عطاب ويطشني ابريح
سبع اكتار ماخذني
على جرف الظلمة والهندس
شله بلمي
شله عل الحسرة والويلاه
يچابسني أبصلافة عين
يندهني ويجي أبحلمي
أنا أوياه كسر أضلوع
عذابي ولوعتي وهمي
خسارة غربة أولايات
وحنين الشوگ البعيني
ألك
لدروب سچتنا
ما ضوت شموع أنذور
ولا حطت قند بصواني الزفات
لا للعدل لا للمات
صفت حسرة ومناحة ليل
چتلنا أمعاتب النجمات
يل مامش وفه قنديل لعيونك
يلوموني ويلومونك
يلوموني طلعت خسران
سبعيني صبخ بلان
دگل أبچفة البطران
خسارة عمره وسنينة
أيتذكر حرثة الخلان
أرد ابشوگ للسلمان
لتراب السماوة وصرخة السجان
أحلفك ياقطار الموت
ياسچة وفه الطيبين
ذهب زلمك ...ذهب مرجان
ياصرخة عشگ مهضوم
ورودك تزهي بالبستان
للسلمان
منهو الخان
ياقصر النهاية وملعب الشجعان
مهرة أمحجلة بتيجان
تاج من الوفة أعله الراس
تاج أشراع للسفان
ثاريها النوايب شان
ياهور الصحين ودم أخوتي السال
على البردي والجولان
بشتاتان
يظل بيرغ عراضة وحنه يا أذار
أنت الدور ونت الدار
تظل كل الزلم تذكار
يظل المات يظل العاش
تاريخ الوفة عنوان
چنه وچان
يظل موزر عشگنا العيد
سال الماي جزر وبان
تعده الحد
صبح صيهود مايرتد
هذا أشباط موت أسود
بده يحصد
خذتنا الريح
هضم وجروح
ما بيه وشيم الروح
تفرهد كل كلبدوني
هدم مسرود
أكعه أيزود
يرد أيحني الحيطان حنة دم
سگم ولم
خسارة ذلة أبنادم
حلاة الروح من تزهك
تضم آلاه
خسارة نظرة الوادم
خسارة أبريم برحينا
تاليها أبهضم يلتم
خسارة أنصير مثل الطوش
سرب عميان ليل أظلم
جرح يلچم
جرح جسمي عليه أبهون
بس جرح النفس علگم
شنو الينظم
فجة آه
فجة ريح ما يسلم
حلاة الريح من صوب العذيبي الشم
من صوب الوفة متعني بهلالين
أگلك گوم
عجيد الگوم
هبت ريح لا ميطيح
لا ميطيح
أشلون أيطيح
10\8\2016