• Default
  • Title
  • Date
  • نعيم عربي ساجت
    المزيد
    في حلمِيَ الـسعـيـدْ عـند فجرِكَ الجديدْيا وطني الـجـميل المستباحْرَأَيتُــكَراعِشـاً .. مُهَشـَّـم
  • يحي غازي الأميري
    المزيد
      لَمْ يذعَنْ وَلَمْ يَنقاد غمَ كُلِّ أعاصِيرِ القَمعِوَ بَشاعة
  • مديح الصادق
    المزيد
    رُحماكَ... يا قاضِي الهَوىفهلْ لنا إلى حيثُ بدأنَاسالمَينِ، كما كُنّا
  • بشار حربي
    المزيد
    سيدتي ربما يكون الطريقُ اليكِ طويلٌ طويلوأنا لستُ من الذين
السبت, 08 شباط/فبراير 2014

جـانـَه شـــبـاط ْ

  ميسون نعيم الرومي
تقييم هذا الموضوع
(0 عدد الأصوات)

جـانـَه شـبـاط ْ هالجـانـَه

يـبـْچـي اوصفـَگْ بـيـبـانـَه

أّوَّلهـَه ســـودَه امـْصَخـّمـَه

وآخـرْهـَه صفـَت.. نتحـنـَّه بدْمـانـَه

ثـامـن يـومْ مـنـَّـكْ ياشـَهـَرْ يـَشـْبـاط ْ

بـَغـْدادْ اصـْبـَحـَتْ والبيهـه حـَزنـانـَه

غِـدْروه الشعب لا ذنب  عنده اوصوچ

نـِسـوانْ اوزلمْ واكثــَرْهـَه شـبـانـَه

عـَذبـوْ.. ذبـّـحـَوْ ..عـَلـّـگــَوْ بالعمدان

 اليـَمـهـمْ وصـَـلْ..هالراح .. ماجـانـَه..

 مـتـْعـَزيـَه البـيـوتْ اوهالبـقـَتْ لليـومْ

  أَطـفـال التـلوعْ .. أيـتـامْ جـوعـانـَه

*****

غـَمـَّه الغـَدرْ ما يـنـسـي

مـثـل الوَشـمْ بـچـْلانـَــه

لسـنـيـنْ راحـَن وانگـضـَنْ

بـَغـدادنـَه  الوَجـْعـانـَــه

بـاگــَوْ بـَلـَدْنـَه اوبـالعـَـلـنْ

ذيـلْ اجـْنـَبـي واعـْوانـَــه

نـصِّ القـَرنْ راحْ انـگـضـَه

نـبـْچـي نـونْ واشـجـانـَه

چـا يـَمـْتـَه تـنـْهـَض ياشـَعـَب

واتـفرّحْ  ابمـوتـانـَه

*****

جـانـَه شـبـاط ْ هالجـانـَه

امـْحـَمـَلْ هالشـايـلْ أسـرارْ

أسـرارْ هـَدَّتْ لجـْبـالْ

كـلهـَه قـَهـَرْ ما تـنـْگـالْ

عَ اللي جـِرَه او عَ اللي صارْ

ذبـْحـوْ ولدْنـَه الأبـْطـالْ

صارَتْ عـَوايـلْ طـشـّارْ

انـْهـتـْـكــَتْ اهوايه أسـْـتـارْ

دَمْ النـزَفْ صارْ انـْهـارْ

ضـَنـَّوْ اتـْمـوتْ الأفـْـكـارْ

فـكـرْ العـَدلْ مـثـلْ النـارْ

يـحـرگْ خـِيـانـَة الأشـرارْ

يـعـْدلْ مـَســـارْ المـشـوارْ

ايـعـَـلي رايـَاتْ الاحـــرارْ

فـَليـَحـيا فـِكــــرْ الأبـطـالْ

جـانـَه شـبـاط ْ هالجـانـَـه

 خـَلانـَه اورجـع ..والگـانـَه..

***********

8 / شـبـاط / 2014

ســــــــــــــتوكهولم

الدخول للتعليق

مسابقة الشعر

بطه عراقيه بغداديه - كريم عوده السليم - 50%
إبعَدِت عن الوطن غَصُب ومشيت - سهام عبد الرزاق زامل - 36.7%
شارع العشا گ - ضياء گعيد حسب - 13.3%

Total votes: 30
The voting for this poll has ended on: تشرين1/أكتوير 15, 2014