من زمان اجينا نحب وندرس كل دواوينه
گالوا للمحبه شروط من تدخل نوادينه
تتحمل عذاب وضيم وتسهر كل ليالينا
تشوف الهجر والحرمان وهاي اول قواونينه
گلنا نشوف ونجرب وندرس كل مضا مينه
ودخلنا بشارع العشاگ وشفنا العاشگين هواي ما واحد يحينا
وشفنا روميو وجوليت يضربه عل خدهه وتضرب بعينه
وعنتر نايم عل الگاع نحجي ويا وساكت ما يحاجينه
گلنا له يعنتر گوم وتوكل وعيد ايام حبك حتى تروينه
گال النا ابد هيهات اطووا الماضي وسنينه
گلنا له وش الاسباب وانت الحب تدليه وتدلينه
گال الحب كلام خبال بس اهات يسگينا
خل ارتاح من الحب اكره كل عناوينه
شوف شگد گظيت سنين وي عبله وصارت قصه بالتاريخ تعنينه
بضرف لحظات ضاع الحب وانمسحت دواوينه
بحجة عتگ هذا الحب والتغيير لازم عكس ماضيه
ورحنا هناك لن عبله تسب العبد وتهينه
تگول شاْلله وهدني وصرت سالوفه بين الناس تحجينه
حبيت العبد عنتر واْثاري الحب ابد مايوم يحيينا
يخلي برگبة العشاگ طوگ جبير وبنص البحر يرمينا
ويشمت بالعشگ هذا وذاك وتتغيًر موازينه
رجعنه واحنه متعجبين من هالحب لاتجرح ولا تموُت سجاجينه
وباذن الله الشعر الجاي اسولف عركة المجنون وي ليلى وسوادينه