ياگـيـظ السوالف ! سولف اسمع بـيك – سالوفه زغـيره اوماأبـَـد تـُـكبـَـر
مثـل وكتك يگـيظ المطر بيك ايهون – مابلـّـل اليــْـمشي لـيش مايگـْـدر
چَـن دومك تِـناغي اتحاچي باليمشون – واتحذر اليمشي ابهالدرب يحذر
الغِـيـره تــَراهه اوللشهم عنوان – كل احصان (يكـْـبو) ابيوم هم يـعـثـَـر
تِـدري المستحه ع الگصَّـه خو گطره – إذا طاحت يگيظ الزلم تِــتـْـفسّر
تشوف الزين هذا الچنت تزمط بيه – عاف المستحه اوبالشينه هالـْـيشخَـر
اوهم تدري يگيظ البشر من ايجوع - يهد ابسيف بطنه اوروحه مايصبـُر
لـــو چان الفقـر زلمه ... تكتله الناس – تدري بالفقر من يــِفتك ! ايدمـّـر
لكن ... لو شبع يتكبـَّـر اعله الناس – ماضِـيـَّـه نـِـساه ابدردَه وايـْـشـَـمـّـر
تِـحاچيه اوتشوفه ابخـَـشمه طرّ اسماه – گبل مدة زمن بالحفره متـْـبسمـُر
***
هم شايف رجل وابجدمه يخسِـف گاع – اوهم طوله تشوفه للسمه امشنـْتــّر
اوهـَـم شايف ابزلمـَـه العـُـبر شاطِـيّه – واچماله يريـد اويحـْـرگ المعـبـر
عمره ايريد طوله عوج ابن اعناگ – ميفكر أبد بالموت من يچفيه بالمگبر
كِـل عـُـمره ايـْـتمنـّـه سلطة الدولار – مايشبـَـع رذيله ! اوبيهـَـه يتـــستــَّـر
طـلعـوهـَه الوثايق ! بـِـرْزو الـِحـسابات ـ ملايين الخـضـر بجيوبهـم تِـفـْتــَـر
واحـدكـُم تـرَه والله ايـْـتمنّـه الـْـمـوت ـ مايحـصـَـل ابإيـدَه اعليـه يـتـحسـّـــر
المـرضى اوأرامـل تـدعي (هيي) اتريـد ـ وادموع اليتـامى تنشـغ اوتِـقـهـَـر
على الباگ الوقف وافلوسه والگيعان ـ على البـاع (المنادي) ابعرضـه يتـشهـّر
ـ (أبـُـو ادبـيلـه) بس كافيـك من البـوگ ـ يـافـُگـر الـنـفس هالـْـبيك يتـجـذَر
يـامكثـر لـگالك عـشـعِـشت بالـفوگ ـ وذا جاهـه (الِـزعيبل) بالبـطِـن تِـعـصِـر
***
كل ما طال عـُمـْرك زادت اذنوبـك – الـْـزيـن الـعرف دنــْـياه وايفـكــّـر
اشگد انريد نجني افلوس ذهْب الكون – حـَجره اللي تسد الحلگ واتحجّـر
صدگوني تراه الموت يركض دوم – مثل عـُمال إحنه ابساحة المـَـسطـَـر
مانـِـكره الـْـيجـْـمع خـيره بـچفوفـَـه – نكره بالجمـَـعهه ابچـيلة المـُنـْـكـَـر
ايـْـستـْـرك (الهيّـي) مَـره لومرتين – ماتِـسلم الــْـجـَـره ابكل وكت مـَـكسَر
ماشَـة نــار لتصير اتـّـلگلگ دوم – تــُـموع ابيوم !! خمرة ماي ما يخمـَـر
ولا اغـراب اوتـرافق قـاده من غربان ـ وابـگومـك تـوَدّي اخـرابـَـه واتـنـگــّـر
ولا حتى الحَـلـيب الـينخـُـبط بالماي – يتباهه ابگِـشُوتـَـه اوگِـشْوتـَه اتمرمَـر
مثـل واحِــد يـِـطش اوبذره بحجارات – وايـْـريد البذر بالحجر وايخـَـضـّـر
بيته امن الگزاز اشلون يـرمي الناس – ميخاف اعله جامه ابحَـجره يتــْـكسَّـر
صيــر (افـْـياي) للناس اوتحبـّـك ناس – نــسْـمـة صيف ! وابـْـتموز تِـتجـَمـّـر
هالمصـخـَـت تـراهه اللـّـعـب عَ المكشـوف ـ شـو كِـلـّـه طِـلـَع امْرندج امـدسـتـر
ياگـيـظ السوالــِـــف ! سولف اسمع بـيك – سالوفـَـه زغـيره اوماأبـَـد تـُـكــْـبـَـر