لاتـنـسي اولـَـتـروح هالنـَـكـبـَـه لـليـوم
بـالگـَـلب دم مـَـكـتوب بـالضـلـع مـَـوشـوم
***
اشـبـاط الحـَـزيـن اليـوم هـالإجـَـه اوهـالعـاد
زلـم اوذبـَـحـهـَـه اشـبـاط بـالمـَـبـدأ اشـداد
***
بـالثـامـن إمـن اشـبـاط سـاد الظـلـم عـَـمْ
اسـتـَـشـهـِـدَت شـبـان واتـحـَـنـَـت ابـدَم
***
اتـلاثـَـه وي سـتـيـن سـَـنـة المـصايـب
كـَـتـل اوعـَـذاب اوظـيـم كـلـهـن طـَـلايـب
***
غـَـيـْـمـَـتْ سـِـمـَـه بـَـغـداد مـطـرَت بـالدمـوم
(قـَـصـر النـِـهـايـه !) اشـبـاط هـالشـَـهـَـر مـَـذمـوم
***
مـانـشـَـف دَمـكم يـوم يـاخـيـرَة النـاس
دَم حـَـمـَـر تـبـچـي العـيـن وامـطـَـيـن الراس
***
مـايـنـسـي ذكـراك يـاإبـن عـَـمـتـي*
حـَـي إنـتَ هـَـم دفـنـوك يـاعـِـلـَّـه عـلتـي
***
لاهـَـلـَـه ابـجـَـية إشـبـاط أكـرَه اشـوفـَـك
اجـروحـَـك تـنـز نـَـكـبـات ! واتـريـد اروفـَـك ؟
***
شـَـهـر الشـؤم بـشـبـاط ذبـحـَـوْ وَطـَـنـَّه
ضـيـم اوقـَـهـَـر واسـجـون ! حـَـطـَّـموْ شـَـعـَـبـنـَه
***
جـَـوَي ابـقـطـار الشـوم هـجـمـَـوْ بـَـلـَـدنـَـه
مـن أهـَـد ذاك اليـوم وايـون شـَـعـَـبـنـَـه
***
حـرَّه اصـرخـَـت يـانـاس مـَـحـَّـد سـِـمـَـعـهـَـه
قـَـصـر النـهـايـه اوبـيـه گـَـصـّـوْ شـَـعـَـرْهـَـه
***
أسـوَد شـبـاط الضيـم بـالإسـم سـَـمـوك
شـهـر المـَـآتـم صار وابـدَمـْـنـَه حـَـنّـوكْ
***

*الشهيد الشاب سميع جاني سهر الذي دفن حياً في هذا الشهر المشؤوم

8 / شباط / 2015
ســــــــتوكهولم

الميت مايحچي ابگبره
ميسون نعيم الرّومي

حـَـچـيـي الـنـاس ابـْـداً مـايـخـلـص– مـازاد اوصايـح بـالـعـَـلـْـوَه
يـابــَــلـْـوَه الـعـالـَـــم يـابــَــلـْـوَه - ماتـِـشـْـبـَـع أبـْـــداً .. لاتـِـرْوَه
تـتـْـصايـَـد أخـْـبـار اوتـنـْـشـرْ – سـيـرَتــْـهُـم هـالـعـِـدْهـم سـَـلـْـوَه
فـَـرْحـان اوكـاشـِـخ بـفـْـلـوسـَـه – والـعـالـَـم مِـبـْـتـَـلـيـَـه إبـَّـلـْـوَه
هـاي اطـْـويـلـَـه اوذيـچ إگـْـصَيـرَه – بـيـن البيضه اوبين السَمْرَه
مـتـْـغـاوي اوهـالشـايـل خـَـشـْمـَـه – لايـكـتـب ! لايـعـرف يـقــْـرَه
مـوشـاعـِـر.. گـالـَـوْ كـِـتــْـبـولـَـه – گـالـَـوْ نِـظـْـمولـَه اومـو شِـعْـرَه
الشـاعـِـر وجـْـدانـَـه ايـنـظـْـمـَه – والـمـَـنـقـول الـيـفـْـضَح سـِـرَّه
***
إِفـْـتـيـنـِي ! وايـجـيـد الـْـفـتــْـنـَه – هـذا ايـوِزَّه اوذاكَ ايـْــنـصرَه
لـوشـافـَـه ايـبـوسـَـه امـن اخـْـدودَه – من يجفي اوبالشين اينشرَه
كاتـِـلـْـتـَه الغـيرَه اوبـَـس يـِـقــْـشِب – تايه صبحه اوضايع عـَصْرَه
يـتـْـلـَـصلـَـص..يـرْصِد بالوادمْ – صِدْگـَـه اوچـذبـَه إيگوم ايـنِـثــْرَه
وامْـرايـَـه ابوجهـَـك هالـْـيلـْـمَـع – وابـْـظهـْـرك سِـلاّيـَـه اوإبـْـره
للـْـوادم ! يـلـْـزگ بـِـعــْيـُـوبـَـه - عيبه إبروحه..ايريد ايـْـشمـْـره
آخ الـتـاريـخ اومِـن يـحـْچـي – عَ الشـيـن المـَـضْمـوم ابـْـفـِـكـْرَه
إيـمـَـجـّـد بالحـَـقّ اونـورَه – والـبـاطـِـل وايـكـتـْـلـَـه ابـْـصَـدْرَه
***
مـَـيـْـعـالـِـج عـيـبـَـه اومايگــْـدَر – إيگـوم العـيـَـب ابْـهـِـدْمَه ايستـرَه
كـل طـيـر اوهـالـيـشـْـبـَـه رَبـْـعـَـه – والمـَـيـّـت مايـحچي ابـگـَـبــْرَه
كـل مـَـوقـِـع يـنــْـشــر وجـْـدانـَـه – مايـتــْحـَـيـَّـز يـفـضَح أمـْـرَه
يـوم اوجـاي اوشـَـمـْـس الـتـِطـْـلـَع – تـِفـْضَح كل شينـَه اوكل غـَـبـْرَه
صَـدْگـَـوْ گالـَـوْ چـنـَّـه انـاضِـل – والـمـَـبـدأ وابـرجـْـلـَـه ايـدفــْـرَه
كـل ازبـالـَـه اتـْـريـد الحـُـفـرَه – كـل زلـْمـَـه اوخـَـل يـعـْـرف قـَـدْرَه
لـَـتـأمِـن بـالـذيـبْ اوثـَـعـْـلـَـب – حـيـلـَـه اوذَم اوطـَـبـْـعـَـه ابـْـغـَـدْرَه
الـيـحچي .. خـَـل يـوزن حـَچـْـيـَـه – حـَـنـظـَـل بالچـلمـَه الموحـِـلـْوَه
حـَـچـيـي الـنـاس ابـْـداً مـايـخـلـص – مـازاد اوصايـح بـالـعـَـلـْـوَه
------------------------------------------------------------------
شباط / 2015
ســــــتوكهولم
تـعـتـِـذر واتـراضيـنـَـه
ميسون نعيم الرومي

أرد اسـألـَـك ويـن اتـريد
يـللـّي نـويـت إعـْـلـَـه السـَـفـَـر
مـَـعـروف قـَـصدَك .. والنـَـبـي
مـتـعـَـمـِـد اتـعـابـيـنـَـه
تـعـتـِـذر واتـراضيـنـَـه
***
طـَـبـعـَـك غـَـدر مـابـي وفـَـه
تـزعـَـل اونـاوي اعـلـَـه الهـَـجـر
ابـْـقـَـسـوتـَـك تـسـبـي سـَـبـي
نـار البـعـد تـچـويـنـَـه
***
شـَـعـرَك حـَـريـر اوهالـْهـِـدَل
إعـيونـَـك زرگ لون الشـَـذر
بـَـلـوَه تـَـرانـي مـبـتـلي
هـذا الحـِـسـن يـاذيـنـَـه
***
يـاتـَـرف يـالتـمـشـي ابغـَـنـج
مـن گـذلـتـَـك فـاح العـطـر
ياحـلو يـالخـَـدَّك نـِـدي
يـالشـوفـتـَـك تـرويـنـَـه
***
حـَـيـرنـي أمـرَك يـالخـِـشـِـف*
وجـهـَـك ولا وجـه الگـمـَـر
خـصـلات شـَـعـرَك مـشـمـشـي
مـاچـَـنـَّـه رحـنـَـه اوجـيـنـَـه
***
إعـيـونـي هـالتـربـي إلـَـك
ويـاك مـَـحـْـلاه السـَـمـَـر
يـالإنـتَ نـاسـي اوكـل هـَـلي
يالـْـرّايـِـد اتـعـاديـنـَـه
***
أرْدَ اعـتـنـي واشـكـيـلـَـك
مـن بـيـض كـلـهـَـن والسـمـر
حـبـَـك أريـدَه بـَـس إلي
صـَـدَّك تـَـرَه ايـنـاغـيـنـَـه
***
تـوعِـد اوتـِخـْلِـف بـالوَعـَـد
ويـاك ضايع هالعـمـر
وابـْـقـَـسـوِتـَـك تـولي وَلي
مـَـتـگـلـّي حـبـَـك وَيـنـَه ؟
***
أيـام راحـَـت وانـگـضـَـت
والدَرْبـَـك اربـي وانـتـظـر
چـَـن گـَـلـبـي هـاليـغـلي غـَـلي
عـنـدَك الروح إرْهـيـنـَـه
***
الله واكبـَـر عَ الهـَـوَىَ
مـالـَـه شـِـفـَـه اولالـَـه دوَه
مـن العـشـگ ويـَـن المـُـفـَـر ؟
ياهـو التـسـإلـَـه مـبـتـلي
ضاع العـمـر واسـنـيـنـَـه
تـعـتـِـذر واتـراضيـنـَـه ؟
*الخـشـف : إبن الغـَـزال
كانون الثاني / 2015
ســـــــــــنوكهولم

صـَــدّ اونـفــَـر
ميسون نعيم الرّومي

ليـش الحـِـلـو صـَــدّ اونـفــَـر
يـجـفـي اويـِـصد عـَـدَّه اوعـبـَـرْ
وآنـه انـتـِـظـر
***
اعـيـونـَـه شـهـل چـَـنهـَه العـَـسـَـلْ
حـَـدر المـِـتـن شـَـعـرَه هـِـدَل
گـَـلبـي انـجـبـَـر ! يـكـْـتِـل كـَـتـلْ
ابـروحـي انـعـجـَـن مـن الزغـر
أبـقـَـه انـتـِـظـر كـل العـُـمـر
راح اوغـِـدَر
***
إردس عـلى اضـلوعـي رَدِسْ
يالإنـتَ أحـلـَـه امـن الشـَـمـِـسْ
ابـدَربـَـه اگـعـَـدت مـن يـوم أمـسْ
غـاب إخـتـِـفـَـه مـامـش أثــَـر
أسـأل عـَـليـه نـَـجـمـَه اوگـمـَـرْ
راح الصـَـبـر
هالأنـتـظـر
مامش خـَـبـَـر
***
يحچي ابـغـَـنـِـج طـَـبـْعَـه الغـِـوَه
گـيـمـَـر اخـدودَه امـنـَوّرَه
سـبـحـان رَب الصَوَرَه
يـمـشـي عـلى دَرب الهَـوَه
امـدَلـَّـل اونـاوي عَ الهـَـجـر
مِـنـَّـه شـفـت بـَـس القـَـهـَـر
طـَـرّ الفـَـجـر
وآنـه انـتـظـر
***
-----------------------------------------------------------------------
كانون الثاني / 2015
ســــــــــتوكهولم

طـَـرابـيـش الـحـمـر
ميسون نعيم الرّومي

جـورري الوَرِد أحـمـَـر كـلـَّـه هـذا اللونْ
لـون الفـَـرَح لـون الـگـَـلـب لـون الـــدَمْ

العـالـم يـغـَـنـّي اويـنـشـد ابـحـَـرفـيـنْ
ابـهـذا الشـَـهـَـر واليـوم نـتـبـَـسـَّـــم

الحـاء – الحـَـيـاة الحـلـوَه بـيـهـَـه انـعـيـشْ
والبـاء – البـَـقـاء اوبـالسـَـــعـادَه ايـعـمْ

الحـاء – الحـَـنـان اوكـل گـَـلـب مـَـلـهـوف
مـَـلـيـنـَـه القـَـهـَـر والهـَـضـم ويـَّـه الهـَـمْ

الحـُـب الأمـَـل كـلـّـه صـَـداقـَـه اخـلاصْ
واتـهـيـم الخـَـلـَـگ والنـاس تـتـنـَـعـــمْ

سـر الحُـب وجـودَه فـَـرحـَـة العـشـّـاگْ
جـَـمـال الحُـب مـنـَّـه الدَرس نـتـعـَـلـمْ

الحُـب سـَـلـطـَـنـَـه..واليـحـكـم الوجـدانْ
مـصـيـبـَـه الحـُب..كـلـنـَـه اوبـيـه هـالنـحـلـَـمْ

الحُـب الشـَـــمـس اتـنـاغـي واتـنـاغـيـكْ
نـِـشـْـعـَـر لـلـگـمـَـروانـغـازل الـمـَـبـسـَـم

حـيـرَه الـحُـب مـَـتـاهـَـه اودوخـَـه مـاتـنـراد
جـَـمـرَه بـالـگـَـلـب تـچـويـك مـاتـهـتــَـمْ

فـلـنـتـايـن إجـانـَـه الـيـوم امـشـَـكـبـَـن ابـحـبـه
واكـيـوبـيـد سـَـهـمـَـه اوبـالـگـَـلب شـَـچـَّـه

اكـيـوبـيـد ذب قـوسـَـك بـعـيـد اوكـَـسـّـر النـشـاب
تـسـبـي بـالـبـَـشـَـر كـل وَكـتـَـك اوتـرْجـِـمْ

اجـيـتـونـَـه ابـهـَـدايـَـه امـحـَـمـلات اسـمـومْ
قـَـنـابـل لـلكــَـتـِـل واسـلاح الـمـلـَـغـَّـمْ

شـلـنـه بالهـَـدايـَـه اوهـالـتـمـوت الـنـاس
اخـذوهـَـه الـهـَـدايـه اومـانـريـد الغـَـمْ

طـَـرابـيـش الـحـمـر مـاتـشـبـع الـجـوعـانْ
شـنـسـَـوي بـالـهـَـدايـا لـلوَطـَـن تـِـهـْـدِمْ

سـَـلام انـريـد إحـْـنـَـه لـلـشـَـعـَـب والخـيـر
ويـعـيـش ابـأمـآن اوبـالوَطـَـن نـلـتــَـمْ

جـورري الورد أحـمـَـر كـلـَّـه هـذا اللونْ
لـون الفـَـرَح لـون الـگــَـلـب لـون الـدَمْ
------------------------------------------------------
14 / شـبـاط / 2015
ســــــــــــتوكهولم

طـَـعـْـمـَـة الهـيـل
ميسون نعيم الرّومي

هـَـلـَـه ابـجـَـيـتـَـك يـالحـبـَـيـّـب هـَـلـَـه بـيـك
أنـِـطـرَك كـل وَكـِـت عـيـنـي تـِـرابـيـك
يامـَـحـْـلـَـــه دَلالــَــك
أتـمـَـعـنـَـه ابـجـَـمـالـَـك
تـزعـَـل والزَعـَـل مـنـَّـك واراضـيــك
هـَـلـَـه ابـجـَـيـتـَـك يـالحـبـَـيـّـب هـَـلـَـه بـيـك
***
ياعـطـر الوَرد ياطـَـعــْـمـَـة الهـيـل
غـصن رمـّـان تـمـشـي اتـهـَـفـهـف اتـمـيـل
مِـلـِـتْ واتـمـيـل روحـي
ياعـلـَّـة اجـروحـي
أذوبـَـن واحـتـيـي آنـَـه ابـمـَـحـاچـيـك
هـَـلـَـه ابـجـَـيـتـَـك يـالحـبـَـيـّـب هـَـلـَـه بـيـك
***
مـَـغـرور اوسـبـَـب إنـتَ عـَـذابـي
أعـاتـب بـيـك ! وايـعـاتـب عـَـتـابـي
غـبـت والغـيـبـَـه طـالـَـت
دَمـعـتي ابـعـيـنـي نـامـَـت
هـالگـَـلبـي ولـَـك دَگ اويـنـاغـيـك
هـَـلـَـه ابـجـَـيـتـَـك يـالحـبـَـيـّـب هـَـلـَـه بـيـك
----------------------------------------------------------
22 / كانون الثاني / 2015
ســــــــــتوكهولم

عــُمـر الأزمـانْ
ميسون نعيم الرومي

نـسـكـَـر ابـحـبـَّـك ياعـَـذب – عـاشـگ تـَـرانـي اوهـَـيـمـانْ
تـغـسـل گـصايـبـهـه النـَـخـَـل – تـضفـرهـَـه غـنـوَه اوألحـانْ
واتـحـَـنـّـي بـالحـِـنـَّـه الزلـف – بالـطـيـن چـَـنــَّـه المـرجـان
مـن نـَــسْــمـَـه عَ المـوج اوتـِـهـب – اتـغـار كـل النـهــــرانْ
تـتـمـايـَـل ابـروحـَـك غـَـنـج – تـتـحـاضـَـن إويـه الشـطـآن
يـادجـْـلـَـه يـالـمـايـك عـَـذِب – عـمـرَك عــُمـر هـالأزمـانْ
غـيـم السـمـَـه يـبـْـرَه إلـَـك – مـَـســحـور بـالحـب وَلـهــانْ
جـرْفـيـن مـَـنـثـور الوَرِد – والطـيـر يـســـبـَـح فــَـرحـانْ
احميـمات والبـلبـل غـَـرِد – اخضيـري وامسـكـَّـه اوبـرهان
والشــَـمـس هالحـَـمرَه خـَـجـَـل – نـزلـَـت تـِـبـث الوجـــدان
المـوج يـحـضن بـالبـَـلـَـم – تـعـزف اتـغــَـنــّـي الألحـانْ
حـلوات واصوانـي الشـَـمـع – وامـلـَـبـّـس اشـكـال الوانْ
إمـراد يـَـرْدَن لـلـنـِـذر – تـحـفـظ اســْـرار الحـَـيـــران
يـلـلـّـي تـفـيـض ابـعـِـزتـَـك – والعـِـزَّه لاهـلـَـك عـنـوانْ
أهـل الكـَـرَم وانـتَ الكـَـرَم – تـروي الأرض والعـَـطـشـانْ
فـاضـَـت ادمـوعـَـك يـاتـَـرِف – تـشـكـي الظـلـم والعـدوانْ
گـَـطـّـعـَـوْ اوصالـَـك غـَـدِر – واتـقـَـسـّـِمـَـت عَ الجـيـرانْ
خـانـوك خـانـَــوْ هـالوَطـَـن – بـاعـوه بـارخـَـص أثـمـانْ
بـَـغـــداد أمـَّـك هـالـتـِـون – وادمـوم صارَت خـلـجـانْ
بـوگ اوفـَـسـاد ابـكـل كـتـر – جـوعـان شـَـعـبـَـك تـَـعـبـان
فـرعـون حـاكـمـنـَـه حـكـَـم – مـامـش فـعـل بـَـس السـان
افـرات هـاليـشـكـي العـطـَـش – شـَـط العـَـرَب هـالهـَـلـكـانْ
نـسـكـَـر ابـحـبـَّـك ياعـَـذب – عـاشـگ تـَـرانـي اوهـَـيـمـانْ
-------------------------------------------------------------------
شباط / 2015
ســــــــــتوكهولم

نـَـفــْـسِ الجـّـــوگـَـه
ميسون نعيم الرومي

ويــن اوعـودَك ؟؟ ويــن ويــنْ
ـ (وَعــد الحـُـر اوگـالـَــوْ ديــنْ)ـ 1 ـ

گـمـرگ مـامـش عَ الچـلـمـات
إعـْـلـيـهـَـه الخـطـبـات امـدَربـيـنْ

إصـلاح اوتـهـتـف إصـلاح
ـ (سـيـدْنـَـه) ! تـَـطـبـيـقـَـك شـيـن2 ـ

گـبـلـَـك (نـوري) اوچـان ايـهـَـوّسْ 3ـ
بـاگ الخـَـزنـَـه ابـعـَـشـر اسـنـيـنْ

نـَـفـس الجـوگـَـه الحـكـمـَـت گـَـبـلـَـك
سـراق الكـِـحـْـلـَـه امـن العـيـن

مـلـيـارات اتـْـبـَـخـرَن طـارَن
اتـوَزعـَـن راحـَـن عَ الصـوبـيـنْ

إنـجـازات الگـاع اوتـِـصـفـرْ
مـَـدْرَسـتـَـك مـَـبـنـيـَّـه امـن الطـيـنْ

رَحـلات اللـّـي بـيـهـَـه إگـويـعــَـه
(طـَـبـشـورَك) وارمـاد البـيـنْ 4 ـ

اسـلاح اوجـابـَـوْ فـاسـدْ كـلـَّـه
مـَـتـْـرَه اويـرمـي .. مـو مـَـتـريـن

صـفـقـات إسـلاح اورومـانـي5 ـ
كـلـَّـــه (الداعـش) ... مـتـفـقـيـــن

و (الحـَـمـدانـي) إيـصـيـح إبـحـسـَّـه 6 ـ
خـَـلّ إنـحـاسـب لـمـهـَـرْبـيـن

صـوت الشـَـعـب (البـَـغـداديـّـه) 7 ـ
يـسـرَه العـيـن اويـمـنـَـه العـيـن

ـ (حـَـمـدانـي) اوهالإسـمـَـك (أنـوَر) 8 ـ
صوت النـاس المـَـظـلومـيـن

ولـد الخـايـبْ ... ذبـحـوْ بـيـهـم
(اسـبـَـيـْكـَـر) تـشـْـهـَـد عَ المـَـيـتـيـن 9 ـ

(نـوري) اليـسـرَح بـيـهـَـه اويـمـرَحْ 10 ـ
رَبـْـعـَـه اوأهـْـلـَـه المـَـعـصومـيـنْ

والجـاي اكـثــَـر مـــــن الرايــحْ
عَ الضيـم إحـنـَـه اومـتــْـعـَـلـمـيـنْ

ذبـحـوك انـذال المـاتـخـجـَـلْ
يـَـعـْـراق النـاس الطـَـيـبـيـن

ماظـَـل بـيـك الكـل اتـفـَـرْهـَــدْ
اشـطـوطـَـك نـشـفـَـن والنـَـهـريـن

ويــن اوعـودَك ويــن ويــنْ
وَعــد الحـُـر اوگـالـَــوْ ديــنْ
-----------------------------------------------------------
1- مثل معروف
2-الدكتور حيدر العبادي

3-10ـالسيد نوري المالكي
4- طـَـبـشـورَك:طباشير
5- إسـلاح رومـانـي:صفقة أسلحة نوهت عنها وسائل الإعلام العراقية ومنها قناة البغدادية.
6-8-الأستاذ انور الحمداني :أحد الإعلاميين البارزين في قناة البغدادية
7-الحد القنوات الفضائية العراقية قناة الشعب العراقي
9- اسـبـَـيـْكـَـر(للضرورة الشعرية) : قاعدة كلية القوة الجوية العراقية, في صلاح الدين سابقاً, اليوم تعرف بقاعدة اسبايكر وقوعت فيها جريمة نكراء راح ضحيتها المئات من الجنود العراقيين
------------------------------------------------------
2 / شباط / 2015
ســــــــتوكهولم