يبو وجه الصبح .. يل ماسح الليل
يل عطرك ورد .. و نّفاسك الهيل
عِـفِـتنه ابغيـر توديّـع
وفي او مو طبعك اتبيع
هذا انتَ الگلت .. بيكم نشد الحيل
يبو وجه الصبح .. يل ماسح الليل
چِنِت إنتَ الأمل .. يا بو الحَميّه
بَعَد مَـنموت .. اتنفـذ الوصيّه
يا بيرغ شَرَف .. إنتَ الهويّه
قَلمَك كتب أحله جُمَل
شمس وفكر حُب وأمل
راس وعلى الراس .. وأبد مو ذيل
يبو وجه الصبح .. يل ماسح الليل
يا چلمة عَدِل .. بحلوگ إلَخيار
يظل گبرك مزار .. او هيبه للدار
او يظل حچيّك نجم .. بَـ قلام إلـ كبار
إنتَ يا كاتب شجاع
بالرأي مـو بالذراع
عزيز إنتَ وعليك .. انگول يا ويل
يبو وجه الصبح .. يل ماسح الليل
04.02.2015
لندن