تذكرتك وصرخت في أعماق ألليل ...أحمل أشلائي نحو نفق مجهول تسرح فبها بقايا ذكرياتي تدفعني نحو افق بعيد حيث مطلع الشمس فبت لا اعرف من أكون ولا أدري كنت ضائعاً ..
مشيت أبليل أظلم وبجدم خجلان
أحس الخجل بعيوني
ألوذ بطارف الحيطان
تعيرني الغرب والناس والوادم
أنوني بحسرة ألخسران
چلمات الشماته التنطري بديوان
رگد حيلي بدرد سكته
كتلني الاه والخنسه
رچیچ و أحسب الروجات
ماظل حيل أشگف بيه
مات بحسرة العطشان
ولا ظلي بعد ألسان
أسولف بيه ...أعاتب بيه
شسولف ... شگولن
يتمتني أبساع
مراره أبحلگ كل حزنان
أعاتب حضك وبختك
مياثيمي وجرح نيشان
شگل للوادم أبيا وجه أطب ألهم
ألوذ بخيمة السكته
ألوذ بطارف الغتره
أشيل الگاع بمتوني
أشيلنها بهضم حسره
چبيره عثرة المهره
چثيره امنادس ألشوغات
تسيوره أليّ عندك
ضنيتك وفيّ ماتنسي العشره
ولا تنسى سوالفنا
هلاهلنا
ولا ذيچ السوالف كلفه تنشدنا
صدگ هانت عليك أسنين عشرتنا
يسألوني عليك ألما يعرفونك
أغلس ما أرد ألهم
أگولن باع بيدرنا
أگول أنهدم چالينا
أگول أتيتمت ماتت أغانينا
بعد ماخان والينا
أگول أخرس لحنا وما يصد لينا
أگول أتوهمت وياك
أگول أتوهدنت وياك ناسينا
أگولن چا شكولن حيراني البين
سراب أبليل
هم سامع سراب أبليل
حچي الواشي ..حچي أهلك
حچي الشمات درد أهلي
ششكف شنهو ألظم
ياوشيعة سيل
ضاع الحيل
عليه أتهد
تاليها عليه أتعيل
نيا شينك بيابي العين
وعيوني ألك خيمة محنه وهيل
دموع أبچيل
وجيت العمر تنور
مرارة ريچ
مابيه أخيط أجروح
تالية العمر ناعور
تالية العمر مكسور
كسرتني والدهر زودها ردسة حيل
حيل ألحيل
أخاف أطبني الحسرات
أخاف الريح تسكيني عطش نشغات
أصير أنذور
مثل ناعور
ضاعت منهو الناطور
سبع أجبال ...سبع أبحور ..سبع أسهول
شلك بيه رمل يذري
شلك بيه طماني البين
محطات وسفر وجدام تعبانه
خلص عمري
آعد أنجوم ..أعد روجات
شراع ومات سفانه
الوجع ما قصر وفصل
توالي العمر ترچيه
أهي أمنين مرجيه
حسبالي سنه وترد وسولفلك
حسبالي الحسافه بطارف ألسانك
تلوذ أبطرف خاچيه
أكولن صافيه النيه
غدر مزناته يوميه
تدريني جدم تعبان
بشتكني الوكت والسجه والسجان
لا نسمه التهيد الروح
ولا لحظة فرح أتناطر السفان
طماني الهضم
وانا اوياك شبچه بريح
تطلب مني النسيان
خويه أبشر خويه أبشر
ولك يفلان
أنتلاگه بلهفة الخلان
أحلفك منهو ألي خان
30\10\2015