حذرتني
لك في ضلوعي شراع دائم يسافر معي الى اي مكان وزمان يامن جعلت من
حبك قصيدة عمري ومفردات حياتي ، أخذ الفجر شعاعه منك هل ذكرين
للشمس شروق أخر ..
ولك يمدلل تراهي الدنية ظلمة
كتلي يمه الدنية بيها أگلوب سودة
أگلوب ما تعرف الرحمة
گتلي يمه لا تطر الهور
مشحوفك غرگ بأول المطرة
لا تطر الهور
يمة الدنية غمه
أحذر من الذيب لو طب النده
ضاعت الچلمة
التفگ مشاية رعنة
تحصد أطيور المحبة أبلايا هوش
ونت يمه يالغريب أبلايا لمه
تدري شيبات الوكت ترسن الهامه
أخياط أرعن
غدر سمة
شكثر همة
حتى طير أمسكتك ضيع السچه
تاه بلمة
حتى غرنوگك صفن بوجوه غربة
وجوه طاعون الفجرياهو اليسلمة
يمه باعوك أبرخص هاي تاليها
أبرخص يل ماكو ذمة
هدردمه
بيدر أظلم
يا زماني خيط عگيد الفجر
الگصب والبردي هلهل
أنا تدريني هوه أعذيبي المحنة
مو زمنة
أخ حرثات الوكت يل كلها منه
أخ دخان الغدر چلچل عليه
وسيفة سنه
شنهي أخيط ...شنهي الظم
بين حسرات الوكت والذل شتلنا
هو منا ...أحنا منا
روحي شاغت
أتعثرت نص الدرب
جويرد يحصد
والزلم تصرخ أبونة
ذاك طاعون الوكت
أتراب موگد موش أهلنا
دنية هند س
حذرتني
مهرة تعثر
نجمة الغبشة هوت للگاع
تصرخ يا زمنا
يمه فدواتك تراهي الدنية صعبة
مطروح يوليدي حملنا
يبني حنة زفتك مو من نزلنا
لا شموع العرس يضون
لا الياس العطر فاح
لا هلال العيد لاح
كلها خرسان التغني
الطبل بطل الرنا
ياحزنا ...ياحزنا
شكثر همنا
يادرابين المحلة الغافية
عافت الحنه
ياحزنا
ياحزنا اعله العدل
المات خلص ما كو ضنا
الزرع ماهو النا
بيدي تالات السواجي هيرتها
حشت مزنات المطر ورد عمرنا
يا خسارة منجل الحاصود اعمى
شنهو يحصد
أشواكنا ....لوعاتنا
حرثاتنا البيها تهنه
رد يخايب ...السكته اولى
مات سفان الوكت غرگت سفنا
1\1\2016
سيدني ....استراليا