لم تخلق عيوني ألا لرؤيتك ، لم أوفي نذوري سوى لك ، ولم اعيش لسواك كوني كما تكوني وكما تشائي بعيدة قريبة ، ثورة ، بركان ، صمت حزن ، فرح ، أنت معي دوماً ....
وشل عمري بشماتة وگولة الويلاه
ياخذني الخجل حسرة محب اتناه
أروح الياجرف أنساه
جرف روحي
روحي أللي خذاها وياه
أهو نايم تمايم شوغة أبروحي
لهبة نار تثگب من تمر ذكراه
يا ويلاه
ماعندي بخت يگعد يسولفلي
ماعندي بخت يگعد يرد اللوم
ماعندي بخت ويسكت اليحجون
ما عندي بخت حظي ردي وداه
تاليها أعد أنجوم
چنت أول نذر مطلوب بمتوني
گبل ماتعمة أعيوني
أنت آخر ضوه مرخوص بعيوني
گبل ماتعمة أعيوني
يلوموني بحچي البطران
أطوف أبديرة النسيان
صعب ياروحي نسيانة
كل ليلة أگول انساه
أگشمر روحي و أتعناه
يگلي أنساه
أهو بيدي حلم ماينسي طرواه
حلم ليل وحلم يقظة
أثاري وي النفس يصعد
أحسه وي النفس ينزل
ياخذني للمنازع
وأصيح أفيش أترجاه
شفايف شدة النعناع منهو الباع
شفايف طعمة الريحان
لبلاب بطعم عنبر
ياخذني بعطش ملگاه
أرد لتراب ديرتنا
أرد لذيچ عشرتنا
أناغيها وتناغيني
تصيح أللوم والشمات
باگوا كل سوالفنا
ماخلوا جناجلنا فرح زفة
ولا ملگه
ولا طبت محب بيرغ الهيبتنا
خساره أخرست لمتنا
حسافة ويا حسافة اوجاغ دلتنا
حسافة شاطت الگهوة
حسافة الگمگم الماضاگ طعم الهيل
ولا حتى مواويلي مواويلچ يبصرتنا
ماخلة الكحل بعيوني بس انت
عشگ صنته
مايقبل يصد للغير
من عفته
ويظل عتبة مزامط عايش بونته
طماه الزود والعاگول
الخرنوب من حصته
ولاه البين والحسرات
طشت بالخلگ قصتة
سراب أيحوش والايام
خنسة أدموع وبسكته
أمشكبن سوالف ضيم
ملضومة وي عمري الضاع
چم مرة ولك بعته
چم أصواب چم نيشان
چم جرح الشتلته موت
چم جرح النزف عفته
توالي ألليل تغدر بيّه
ما چنك ولا بگته
ولا چنها النوايب منك أمعرات
ولا چنك أبد خنته
ولا بگته
لعبنا الوكت دولاب
صگلة ولاگ
ياهي الصگلة ياهو ألاگ
لا چلة التحني أچفوف
لا گيض الوكت مشراگ
مر علگم طعم صبير ما ينضاگ
يامحلاك
طار الاگ
والصگلة طمتها الگاع
خذتنا روجة الايام
هدات الليالي أسباع
مارحمة عشگنا الضاع
ولا چلمة محب أوداع
تردس والغدر شگبان
شحيح الماي والتربان
تصرخ والزرع بلان
كلفة دگت البيبان
شحيحة الغیرة ماتت
والحزن ألوان
غريبة اوجوه المحبين
مالومك
غداك العيب
متعلم على أفراگي
متعلم وأگلک كع
تسعر نار حراگي
أگلك كع تراهي الروح
تصد للغيم
ما تتنطر المطرة
ولا گطرة
شبعد عندك
شبعد عندي
عرفتك طلعت الگمرة
عرفتك والشمس بينت سواليفك
عرفتك خاين العشرة
25\3\2016
سيدني ...أستراليا