لقد تنشق الهور رائحة الباررود ليهتف للحرية التي طال غيابها ليكتب الدخان في سماء الوطن ، مقدمة للحن الرجولة ، والفداء ، والتضحية ، كتبوا أروع ملحمة بتاريخ سفر الوطن الجريح ....
أيتدلل
الموزره هلهل بالغموگه
برحي أبريم يامحلة الغنچ من يبقى بعثوگه
صعب فرگاه عسل شوگه
هلاهلهم لظم عطشان
رفيف الروح
خريط أعلى جرف الماي بعروگه
مضيف أبدلة وفناجين
نبع طيبين
هد غبشه يناغي الروح
وج أشموع
حسبها أحساب المعزبين
كل فشكه أبالف صرخه
أبالف دمعه بس أنخه
نشد وياك بيرغ للعراضه
ودفجة الصبخه
يل المعدل عداك العيب
يل لابس زبون ابيض
كلبدون الزلف ريض
ريض ما أگلك ليش
مو شامت لچن مغتاض
طماني الشيب سبع أكتار
بس ريض وأسولفلك
شكبان السوالف تنهش الدلال
الف ليلة تجي أعلى البال
يافائز الحيدر شنهو الينگال
من ليل الرمادي ونگرة السلمان
من الحلة وبعقوبةهضم چتال
حيف الحيف الف ياحيف
تفرهدنا
وسواليف الوكت على الحال
صال وجال
سبحة فال
ملظومه أعلى زند أرجال
اذكرهم وأشد أرحال
ياهور الصحين ودفجة الخيال
تنساهم شتنساهم
زلم أمحزمه
وتنشد أغاني أبصوت
لحن الموت
نناغيهم حرز مامال
ندري بالمحتم عال
أهم زرت نشامه وبرنو الچتال
مهرة أمسرجه بجمال
حمل طال
سنة وسنتين وتلاثة
چم شبچه ترد الروح
مزنتها اعلى سفح اجبال
يافائز يبو سوزان كلها أتصيح
كلها اتصيح خلها اطگ
أنهارك عطش وأرمال
مشحوف ويطر الهور
يگل للبردي خطارك
نزعنه الخوف جينه أنعيد ابدارك
سواجي الدم تجرالك
عند البردي أسرارك
هذولة أحنه زلم شجعان
گصدنا الموت أخيارك
تحزمنا بربيع اذار
كل طلقة تحي اليوم زوارك
شنو أبالي شنو أبالك
شدينه الوطن برگاب أحرارك
نسگيه أبسواجي الدم
تفگنه أتصيح سبع اكتار
ياخوية يبعد الروح يافائز
نار أبنار
طگ أبطگ ثار أبثار
عمت عين العمر لو شح على الثوار
عمت عين الگلب لو خاف
وعاف التفگه والمگوار
أهي لحظة رمش بالعين
وأنزف الشهاده أبزود
لوجاغ المضيف ودلة الخطار
شنهو الصار
كل البردي والجولان ألك تذكار
ياهور الصحين الماي والثمار
نحط العار فوگ العار
ياهور الغموگه وصولة الانصار
عليها المشاعل فوگ للستار
لا تحتار
وي گطع النفس أموزن بمگدار
خلي الناصريه تسمع الاخبار
خليها المنية عتبه الكل دار
يبو سوزان
ياويلاخ ثار أبثار
نار أبنار
تظل دومك يل الغموگه
لهيب أعصار لهب أعصار
19\8\2016
سيدني استراليا