مبروك ايها السياف أنك في العيون ...
شعلت گلبي عليه أردود
سيلن يا دموع العين
ما راح الحزن من يوم غاب أسعود
نصبت خيمة حزن من گال قرة عين
صاحبت الثغيب الطم على الخدود
هدم مسرود
تاليها الذياب أتصير قرة عين
ياويلاخ ياوليدي
ياحسرة نعاوة أبفشلة الصاعود
ياحسرة عمامك الما تعرف الجود ...
يوليدي أشأسولفلك
شگل لل لك
أسولفلك على العميان
ووجوه الگلوب السود
أسولف عن قطار الموت
تنوروثگب مسدود
لو قصر النهاية الموت ما معدود
لو حجي الشماته و گولة الرادود
رد يسعود ...
خليه الگبر نسمات عطر أبزود
ياطعم العسل الما يعرف أحدود
يا ويلاخ قرة عين ...
كل حيد أبألف رجال
ماتحتاج كلها أشهود
يعگال الزلم ذكراك
حيل الحيل ..
عليمن چتلت المگرود
عليمن عثرة الخيال
مهرة أمسرجة وعنانها مهدود
ما همها رياح الشر
ولا فشگة غدر بارود
ما رفت شواربهم ..
راح الصبغ يامهمود
لعب ختيلة المطرود
قرة عين ...
چا وين الحچي المعهود
تاليها أبجحر مردود
يا ويلاخ قرة عين
يا محلاه گص آذان
ياحياه گص ألسان
ويصيح القدر موعود
ماظلي عتب عل الميت وعل الحي
يوليدي الشرف مريود
يوليدي الشرف ما ينشرى وينباع
ولا كلمن يدگ بالعود
دنياك أصبحت فرهود
قرة عين ...
ياعين التلفي اليخنگ العنگود
ياعين التقر اللي گطف الورود
كلها أجنود
ازغار أكبار
ذاك أيصيح يامعبود
ذاك أيصيح يانمرود
ماندري شنو المريود
رد أردود ...
ظل چفنك علم ثوار
رفعت راس
حنة أبچف المعرسات
هلاهل زفة المحمود
خطاياي ومياثيمي وعثرات الليالي
وموتت الچادود
ما عدهم وفة يلباعوا أترابك
هي گطرة أذا طاحت أشلون اتعود
رد يوليدي يمه أسعود
يلن كل حرف من أسمك
شموع وتضوي أبصيهود
رد يسعود ...رد يسعود

20\9\2016
سيدني استراليا