دگيت بابك
أيها الدرب الطويل لقد تهنا في متاهاتك وضاعت أعمارنا ونحن لا نعلم في أي شاطئ مرفئنا لقد ضعنا وخانتنا دموعنا مع تجارالكلام.
دگيت بابك مادريت أتعوفني أبنص الدرب
چنت أعتقد هيل ومسچ
نسرين يا درب المحب
أنت المحب
حرثات مابيها عتب
بيها الثرية أمضوية
منذور خالي من الطلب
عيد ومحنة أهلال مو دشت غضب
أنوال نبقه على الوجوه
وننتظر في الگصب
ناري وحطب
أمخضبة أبرجفة گلب
أمولمات أتغني بستات الطرب
ظليت حاير ممتحن
ظليت أعدن بالنجم
أحسب ورد
بس التعب
أتعنيت ألك صاعود ويدور رطب
أبريم أغله من الذهب
مدري الزلوف أمگطعة
ومخضبة أبشيص وچسب
تفتر عليّ ...شلك عليّ
سبعيني ماتحمل لهب
أسنيين عمري أتفرهدن
من يوم طيفك ما چهب
أش حصلت ...شنهو أكسبت
دگيت باب أعله الغرب
ظل عل البعد لا تقترب
لا تتنه مزنات المطر
أمنين ياتينه المطر وغيومنه طلعت چذب
ياحسرة الجوعان ويدور شطب
دگيت بابك ماشفت غير العذاب
مدريت عتبة أبلايا باب
أبلا مضيف ..أبلا يا فيّ
لا ولا دشت أحباب
هطلن أشباب المضيف
لاهو مطر ولاهو صيف
كلها عطشانه وتنادي
گوم عرس خلها كيف
لا تسولف ليش ليش
خلنا نصرخ بس يعيش
خلي السلمان ترگص
الرمادي حلم طيف
آخ من چلمة الحيف
الف حيف وش حصدنه
أغراب وبديرة خراب
أشباط يادشة ذياب
خوش صوغه جايب ألنّه
أمحمل أسيوف وحراب
الطفل بگماطة شاب
ضهضبت دنياي سوده
صاح تابوت المنايه
الرجال والنساء والشباب
الطفل بگماطه شاب
جويريد طب أبشهر آب
برد چلة وهوه الشرجي
نسمة أعذيبي أبدلال
وش كسبنه شنهو وده وشنهو جاب
ليل اظلم دشتك ... گصاب
مرعد کل كلبدوني
أضلوعي الكسراها الشرطي والحطاب
عمرنه ماحسبنه أحساب
عذابي ونتغة السجان
الغربة الطمتني أتراب
لذ وطاب
ملچ الموت ما همك
ولا هجمة ذياب الغاب
ضاع من عدنه الجواب
حيرتنه ..
المات..مات
العاب ...عاب
الغاب غاب
ونته چنك موش أنته
موش ذاك اليّ نعرفه ما يهاب
شنهي هل النوم الفاك
آخ ياصمت الولاك
أنطفت أشموع دربك
عايدة وستار بت عذبي ورباب
النجم يتهاوه دمه للرچاب
أشلون ياغمگ الصواب
دچت أرعن ...أصواب أرعن
ثاري دولاب الهوه
مرة يمنه ومره يسره
ننتظر زفة سراب
دگيت بابك ما دريت أبغير عتبة
وسيفك المكسور خشبة
لا ولا تذكر الصحبة
لا ولا تطلب العتبة
أنا ذاك الي تعرفة
أنه طير البصرة الماعاف سربة
علم مرفوع أعله دربه
صول ربعة ...
حيد ماخان الوصية وباع حبه
أعيونه تربه
أيريد مرود للكحل
زفتة زفت حبايب موش غربة
شحيت يا اذار گلي أشعطلك
ماتشوف النار تسعر
نار لهبة
وسفة ذاك أنت أبد ما هزتك
أيام صعبة
لا ولا أسيوف حربة
دگيت بابك وأنتظر خبزة جياع
أنريد للجوعان خبزة
للبصير أحنه الشراع
أنصير للثوار معبر
بكل ركن ...بكل شبر
چنه ونبقى السباع
أحنه أحنه السباع
26\10\2016
سيدني القارة البعيدة