يموت من لا يستحق الموت على يد من لا يستحق الحياة مبروك للعالم ، شكراً الى الامم المتحدة التي ترعى وتحافظ على كل شئ عدا البشر ، لقد حصدنا السياف من سبعة أكتار أين المفر ، حزني عميق أنهم أهلي . لا تقتلونا أننا نعبد الله
بسك يا ازوحير الوكت بسك
بسكم ...
شتريدون منه ياوجوه الشؤم
كل يوم العزه منصوب
كل يوم أبمناحة والگلب مهضوم
ليش الموت ...ليش الهم
ذياب أمكشرة وتحوم
حصدنه آلاه والونه
كتلنا الموت والطاعون والگرگه
حصدنه أدموع ماتبطل
ولا تخلص على المظلوم
چثيرة أهموم
كل يوم العزه منصوب
عليمن شنهو المطلوب
ماظل شي بعد مضموم
أهلي .. أهلنا الداي
أهلنا ياشتل لبلاب ..زلال الماي
أهم وي الثريه أنجوم
نوارس بيض
وفه أخلاص شهامة دوم
مو لملموم ....مو لملموم
شمس تضوي على الصوبين
حبهم للوطن چفين
سگيناه أبسواجي الدم
شباب وشيب والمفطوم
تاليها چتل مسموم
ذبحتونه ...جتلتونه
نبشتوا أگبور موتانه
تركتوهم بلايا أهدوم
أشبقى مضموم
يسامي يا جرح خضر بالولايات
على كل باب
على المندي ..على الرستة
والكليلة تذكرك دوم
وبكل يوم ..
ألك مني ..دموع وشهگة البلعوم
يا ويلي الگلب ملچوم
ألف لچمة ..ألف ونه على أهلي
على الطيبين
سياف وعلم شمشوم
كل يوم المنايه تحصد أبهلي
من كركوك ...من أيران ..
ألف مبروك ها الاوطان
أهلي يا نبع ريحان
ورود وتزهي أبستان
سگينة الگاع مسچ وهيل
جوري والعطر الوان
حيف أتضمهم التربان
حيف الموت للخوان
الطيبين ...الزينيين
حصدونه حصد .... الغربان والغبران
وحنه أشموع للبيبان
شموع وتضوي عل البيبان
كل يوم العزه منصوب
كل يوم الدمع سيلان
خسارة الليلو والمرجان
نوارس بيض يا أهل الوفة والطيب والاحسان
كل يوم الگلب حزنان
تظل احجاية البطران
ما تخلص الدارة وينتهي العنوان
ما تخلص الدارة أشلون
دار أمشلعه البيبان
دار أمفرعه الحيطان
ذياب أتحوف
موت أيطوف
أحنه أندگ طبل مزروف
وينه اليعرف المعروف
وينه الينتخي ويگول هذا أنه
يهد أمصرفن الذرعان
لهب بركان
جرح خزن على سامي أبن أزمام
وجرح خزن على منصور أبن رمضان
جرح خزن على الماتوا بلهبة نار
جرح خزن على الماتوا على الساتر
كلها أتهون
بس لا يزعل السياف والچذاب والرگاع
بس لا يزعل أبن العاق
كلها أتهون
عفنه المال عفنه الحمل والجمال
عفنة الگاع ما عاد الذهب لماع
ماظل شي بعد ينباع
يا أهلي يا أخوان
منهو أيوكف السياف
والطاعون وأبو أزويحير والاطماع
منو الرداع
ضوة وشماع ... أهي اطباع
ياسيف الرذيلة ودشت الخداع
ما تخلص ولا تخلص
كل يوم اليمر أوداع
ماتخلص سفينة ونوح
سفينة أبروج
لا چالي اليحن ليها ولاأشراع
ولا أشراع
حسافة أوداع ....حسافة أوداع
10\12\2016
سيدني استراليا
الارض البعيدة