الذكريات تأتيني على وجع دائم فيجثم لهيب العذاب والصمت في عالمي الذي ما عدت لا أفهم منه أي شئ وأنا لازلت أغني لحن إسمه الشوق والامل فقد هاجرت الطيور وماعادت لي ....
بعدت عنك
گصدت الچول والبيدة
مسحت كل شي اليذكرني بطواريك
غدر وحچاية الطرشة
محبة طيف للمامش
ما ريد الفرح منك ولا عيده
خليني أبلهب شوگي
اليّ وي الوكت حسبات
شنهو اليّ حصدته وشنهو أتريدة
صبحت وياك سبحة كيف
خرزة أتونس البطران وتفيده
محيت إسمك
محيت الذكرى والألام
ماريد الحزن والنوح تنهيدة
ولا ريدك تمر بحلم وتفزز نياشيني
منو أيفيدة
جروح وعطبتها إرماد
لا تگرب تحني أيده
چنت وي النبض مسراك
جبل بمتوني مابياش
أبهيده لا تجيس أيده
لا تمشي أبغرور وطيش
تدري بالبلم غرگان
المردي أنكسر من حول
ولا حسبة تعت الروح وتفيده
ألك عين وتواكحني
تعاتبني
على الراحن على العثرات
لو علگم عناگيده
على أيامك السوده
على دمعي الترس نهران
لو عمر التعده وراح شيعيده
حسافة وياحسافة چنت اليّ صاحب
زلاتك جثيرة وياي
ضاع العد شعد أوياك معدوده
بعتني أبهدة الونات
ظلمه أبليل
ضاع الحيل
حتى الصبر مل وبعد ميريده
صبرت أوياك
مشيت أوياك وخطن بالجرح تذكار
جرح مامر على أبنادم
حزن ومعلگ أبجيده
تلگاني أفوج أبحر ماي الموت
وعد عثرات بجدامي
أريد انساك
أنسه لوعة أيامي
الف لوعة لفت منك
تصوغني على عرفك
أفز مرعوب بأحلامي
شتتصور ...شتحسب
أجيلك وأنتظر منك تواسيني
تحاجيني
تناغي الآه البگلبي الاجت منك
صفه حالي بخت صفصاف
ثمر صفصاف
وبگليبي لهيبك طاف
ذيب وحاف
عفت لك كل شي التريده
وعشت لوعة بحچي الديوان
مامن عاف ولامن خاف
روجة ليل
ماريد النشد يتوسد الگيعان
ضيعت الصدگ وياك
لا دفو الوكت ياتي طواريك
ولا فيّ البراري أيلوگ عد عيناك
تناشدني ....
من كلهن بديت أوياك
ومن كلهن نسيت الجرح البممشاك
محطات وسفر مسراك
كلها أتراب
لهب عطاب حظ وغاب
من تالي تهد طلاب
تظل انته وجع شارب رعونة طيف
وتبين حسرة أسنيني
أبد ماطاب
بعدت عنك گصدت البيده والعاگول
أدريها بلا محراب
بلا محراب
نفس وبرية المسلول
أظل اتنفس الظلمة
وكت ومعاكس ومعلول
نفس مسلول نفس مسلول
22\5\2017
سيدني استراليا