كل لحظة أريد أنساك بصمت ولكن يتفجر في صمتي ألف بركان لايخمد فمن يبيعني النسيان يا أهل الذكرى ....
مشيت وما مشيت
وما مشیت أوياك
هذا أنته ضوه ظليت بعيوني
تظل وياي نبع الروح
موبيدك ولا بيدي تنسيني
عندك أمنيت الجاي والرايح
عمر طشيته بچفوفك سراب أرمال
حسرتي وعثرة أسنيني
دليني ...
على يا حرثة أريد أنساك
وآنه نشغة حمامة بيت
ماهمهه البعد واللوم
ولا شامت يعاديني
طرب مجروح من يسمع ونين الناي
يظم جرحه بهدم راگد
ما يرضاش يجسيني
ولا نفذة محنة وشوگ
منك يل رحلت أبعيد
تاخذني على مسره آلاه
ألوذ بطارف الطيبين حاميني
رچيچ الدمع كحل أبعين
ضوه وسكران تدريني
أعيون الدرب نشغة تبده الحيل
ما طابت نياشيني
ردتهه أوياك بس ترهم
سلمتك مفاتيحي
بقه ظني عتاب الناي
تاهت كل عناويني
عشت أيامي علگم مر
يتيم ودمعتة النهران
تجازيني
تحنيت بجروحي العطبن بجفاك
بس كون الحچي الينگال ياتيني
أطش أيامي سبع أسنين
نذر منذور ألك مرخوص تاذيني
الوجع وياي ما خله بعد ونه
نشف واهس عشرتي أوياك
درد مظلم موش أبهون واليني
ألك عندي فرح عرسان
بعد مابيه حيل أمعاتب الچلمة
جبل حامل على أمتوني
چم چله التعدت ما كدرت أنساك
جمر لاهوب گيضك دوم ماذيني
أناشغ بالحلم واليقظة مهره كحيل
ماترضاش مني أتغيب
ولا تقبل تدليني
نشفت كل سواجيي
لا جزره ولا مده تسليني
هذاك انته حصرم شوك
يافشلة فناجيني
أظل أوياك جرف وشط
خلگي أمراية الوحشة
سنين وشوگ سبعيني
شكثر الناس لظمت من هضم روحي
ملامة وحچي المخازر
ما كدروا يبعدوني
چنت وياك ونته أوياي
عبرتهه بسچة أزلوفك
ما ريدچ ترحميني
ما أطلب وفه أبمنة سدى مهجور
ما ذبلت رياحيني
تلاكيني هيبة كبرياء الناس
تبيعيني ...
محطات وسفر نشغات
تزيدآلاه بونيني
تجي لو ماتجي فحطان بيه الشوگ
الراس أنترس شيبات
وآنه عمري خلص غرگت بساتيني
من شفتك عشت سكران ليل أنهار
وجروحي تنز حزت سجاجيني
أعاتب لو بعد ضاع العتب وياك
شگلك ونته طيف أعمه بعدت عني
صحيح الروح وكحة وصلفة الوكفات
يل شوفك حزن والغدر سابيني
بعينك تفتري وبالثانية دلال
تالي وي الوكت ظليت واليني
گضت وياك ماتسوه العتب والگول
متأسف على أيامي وعلى أظنوني
سيدني استراليا
22\6\2017 S