تـِهنَـــه ، وِحْـنـَـــه النِـدَلـِّـي ، دِليـل البـَــــرْ
تِهنَـــه ، وِسْنيــن العُمــر ، دولابهَه يفتَــــــر
تهنـــه !! ومـُو بـِدَينـَـــه ، وما نريــد إنتيــــــه
بس طوفان غطـَّـــه الگاع ، خلـَّـه الناس تتطشـَّر
وَحَـگ ناس العراق ، إلما لِـحگهه الگـَيـــش
وحَــگ كِلمَن ، فُــرش روحه للوطن مَعبَـــر
وحَـگ عيناك يَ "صوَيحِب"، يا بَيرغ الشرجيَّة
نِـدري " إسعود " غَـَصبَــنْ عـاف المگــيـَّــر
إونِــــدري إبـَّيرَغَــــــك يتعلـَّـــــه بالكـَلفــــات
هَـوساتَــك تشيــــــل النـــــاس ، مِـن تعثــــــر
ونِــــدري إبرفيجَــــــك والحبيـــب عـــراگ
حاطَنـَّــــه الضِواري ، بعيـــون تِجـدح شــــر
يِلاويهِـــن ، مـا يــِـريد إيطيــــح الــعـــراگ
لَوَن يـــدري إبطَيحـِتـَــه الأشراف تِـتعـَيـَّــــر
لا تزعـــل " حمد " يا خـُــويْ ..! لا تزعـــل
لَــوَن رَيلَـــك على السِچــَّـــــه تعثــَّـــــــــــر
شْما طـــوَّلْ زَعلنـَـــه إوْطالــــت الأيـــــــام
لابـُــد نِنتِخـــي ، والريــــل إيـــرد يِگعــــر
يِــرِن هــاوَن سَلـَـفنَــه .. إوْيــِـطِــشْ الهيــل
نِــذِر لعيــــون الشهيد إوْصَرخَة الأسمــــــر
يِـــــرِدْ المـــاي ، والبـــردي ، والصيــــــــــاد
إوگِصَبنَــه يحضِـــنْ السفــــان لَــو حــــــدَّر
تِـــرِد النــاس ، تِحضِـن مِن فرحهَـه الگــاع
وبنسمــــة فـــرات إوْدِجلَــــة تتعطـَّـــــــــــر
لَــوَن عشگ العراقـــي الگــاع والشطيــــــن
كِــل بَوســـة عشگ لترابهـــــن عـَنـبَـــــــر
كِـــل بَوســـة عشـــگ لِترابهِــــن عَنبَــــــر
________________________________________