لتـصـدگ بخايــن مـرَّه بـاعــك

والبـاع برخص يبيع ألـف مـرّه

يسرَّك و سراره تحطهه أبـــير

 يمشي وبالـــهوه ســرَّك يــذرَّه

موصاحب الياخذ غيبتك بگفاك

ولا صاحب اليطعن صاحبه بظهره

ولا صاحب ليدوّر مصلحه ويَاك

وبالشــدايـد منـك رَكضْ يتبــرَّه

وشما وفيت وسهلت  ممشاه

يغدر بيك وبدربك يحط عــثـره

مثل فحل التوت بس هيبـه تلگاه

ولا تتـرجه منـه تنـطرح ثـمـره

ولو طحت يـوگف ويَّ اليذبحون

ويـكَمّْل ذبحــك أبسچيـن غــدره

ويـكيّف من يشوف الحزن جارك

ويسگيك من كاس الشماته زهر مرَّه

الضرس من يالمك والدوه ميفيد

ماتــرتاح إلا تقــلعه مــن جــذره

لَـ تظنه رِدي هـــذا اليــبَچيـــك

ولا كلمن يضَحْكك تـمشي بأثْـره

چثير من الخلگ طبع الضبع بيهه

وبـثياب الــحمل تـلگـــاها مـدَّثره

وأبو طبع الردي لاتظن منه يجوز

وطبع البـيـه غير الچفــن مَيغيره