هو الشعر خطار طول الليل
خطار ليليه....يحظر غفل
إبلا إذن ولا تحيه ولا سلام
يعبُرعلى أوتارِ الكَلُب
ليليه ....يعبر.....غَصُب
إبلا تَأني.....ولا نظام
ويضل إيسولف اويه الروح
إبهيدَه.....حَد وَيَه الفَجِر
إبهيدَه.....أنواع الكَلام
الشعر داء يلعَب بالمَشاعِر
سرعَه...تغلي وتندمُر
وغَفلَه هو ينطلق مثل السِهام
جِلمات الشعر طبع خيط الشمع
من تِلوحَه النار يذَوِب صاحِبَه
اُو هَم يِنتِهي....عِندَ الخِتام
خَلَّ...خَلَّ يِذَوِب صاحِبَه
المهم يحجي .....ويعَبُر
ولا يسكت ويتحَوَل حُطام
ونوبات تشوف الشعر ينتفض
شبه السيف من ....يرفُض
الذِلَه....يوم يِنضام
إيأدي واجِبَه...ويِرِد
يِرِد....لِكرابَه.....يِنام
إ بكُل ثِقَه..وكُل إحتِرام
لان الغريبه بالشعر
من تكتمل جِلماتَه و تنصاغ
يهدَأ صاحِبَه..... يِرتاح
كَأنو إبحَضرَة إيمام
هناك لكل كاتب شعر
تَحت الوِسادَه دوم مِضمام
يِضُم مَجموعَة ورَق
و أنواع......الا قلام
الوَرَق كل لَحظَه يِتمَلَخ غَصُب
لكن...يِظِل القَلَم صاحِب وَفيِ
يِحفِظ الاسرار يِسمَع بإهتمام
وتِظِل هذي الوسادَه دوم تشكي
من الشعِر لان إذا صاحِبهَ واعيِ
ابَد.....ما تِركِد....ولا تنام
ف ريت الشعر ينصِلِح ويغير الدَوام
يجي ...خطار ساعات النَهار
ويعووف ساعات...الظَلام
حتى .....الذِهِن يِرتاح
والجِفِن....... يِغمَض
و العيون......إتنام