مشتهية بس رغيف
منك يا ابو الونات
يا حلو يا مهيوب
يا عسل من تذوب
خلينا نسمع سوى
بالليل أبو ذيات
أرد أرجع لگاعك
واوگف على التنور
وأحضن
گلب محروگ
من بعد هم شهور
الخبز ذكرني
بغداد أجت يمي
يا عراگنا احچي
جنك چفوف امي
مشتاگة للأحباب
مشتاگة للمة
والروح مبتسمة
آنا ارد أشمك
بلچي تجي نسمة
بغداد لا تبچين
احنا البعيدين
وياچ
بس وياچ
ننسى سوى الظلمة
لا ضحكة لا افراح
لا من محب جانا
خليني يا بغداد
اسأل على الي غاب
مو چان ويانا
وين الي راحو
ماكو بعد أحباب
يا ريتچ تعرفين
بعدة الولف بعدة
بعدة بعدة بمچانة ؟
يمكن يجينا يوم
يوم لورانا
بغداد مشتهية
ارد اگعد بصفچ
نحچي
على الي راح
ضيفينا من خبزچ
كعدة طرب وافراح
والجاي
بعده حار؟
والهيل بيه فواح
يا ريحة الخدران
يا كعدة المرتاح
هسة اجو جيران
كلهم ورد قداح
مشتاقة يا بغداد
مشتاكة للنخلات
والبيت والحيطان
وريحة الحجرات
شلون انسى ايامچ
ما توگف الدمعات
حنيت موبيدي
گلبي بعد ما مات
مشتاق كعدة سمر
مشتاقة للسهرات
وين الامس وينة ؟
وأيامنا الحلوات
انسى القهر وياچ
أرد
أسمع الضحكات
بغداد خليني
بعيونج الحلوات
حضنيني
حضنيني
والفات منا فات