لقد اختاروك يا ستار لآنك الجرح الكبير الرافض للتسكع في
دروب الذل والعاروالخزي لك الخلود يا أبو مي الحبيب للحبيب الدكتور جبار ياسر الحيدر عرفتك في العماره
وانا في ظلام السجون وكنت اخي في البصره وصديقي
في بغداد لك يا حبيبي وللخالد ابو مي
بس انته الرهم مفتاحك البابي
بس انته الطفه نيران عطابي
انته الي تظل العين تترجاك
يا دشة امل يا وسطة اشبابي
يا دلة اوجاغ الما طفت نارا
يا برحي ابسلال الطيب
غميجه حيل اسراره
ثوبك جسوة امعيدين
ما راكد ولا راكد
يجسي السلف وأحراره
يكلهم يا سلف وصلتكم اخباره
بنص الهورهوستهم
ولا همهم فشك بارود اشراره
عفيه ابني اريدك دوم
اموزر بالمراجل لحن غداره
ايزر العدوغاره ابأثر غاره
يحتار العدو ويضيع مشواره
غده طشار طشاره
بعد عيني يمنتي انته
هم اتلوح الابشاره
اامنك شيلتي وبختي
فشك برنو ما يخطي الطياره
حلفتلي تطلب الثارين
ولك يبني الوفي يبني
الستار اهو عمك تره يبني
ترهو ابعاده ما ردني
كلها اسماء جباره
كل واحد يكول انا
وحقه من يكول انا
شذر الازرار ليلو بصدري الشاره
صعد يم الثريا وصار اقماره
عين الشعب انواره
ندري الموت يا ستار
يحصد زين اخياره
حكها مي تفاخر بيك
تكول ابوي خله جسمه عباره
علك بصدور خطاره
شهيد وأسمه فوك الراس
وكلها اموزره وتكول هذا انا
ما همهم فشك لاسيف لا دانه
وحناها الجفوف ابدمه الطاهر
وصمد معروف عنوانه
حرك كلب العدو بلهب نيرانه
وبجه حتى الفشك ويصيح ها يبني
لتخاف العدو لتخاف نيشانه
اريدن طبتك بالعيد
طب ستار يمه ولا تدك الباب
كلها احباب
طب وخل اسولفلك شهيد اتيمم ابدمه
وسكه الاتراب
الارهاب ....الارهاب
تاليها عرفتوا ارهاب
اكتلوا كل الطيور وقادة الاسراب
ماظل طير بالحومه بعد ستار
غدت دنياك سوده اغبار
شنهو الصار
ولسه ما عرفتوا الصار
يا حيف الزمن غدار
وكل يوم ايتعطب نار
ولا جنك هذاك انته
ولاجنه انجتل ستار
ستار الوفي ستار
ستار الابن ستار
ماهمه سجن وأسوار
رافع راية الاحرار
مضيفك فاتح البيبان للخطار
الدله امهيله وتصيح ثار الثار
عمت عيني عليكم وي الثريا اكبار
فوك ....الفوك
ما تقبل تحط بالهامه نقطة عار
اخ العار
احط فوك النفس نفسين
واطم الروح بالتربان
وأجفنها بصخر وحجار
ولا بيرغ شماته ايشيله الحافي
مدري منين اهو لافي
كشاش المد
لفه طافي
ويظل ستار حلم ارواحنا الصافي
ولك يمه ابد منساك
شعبك ابد ما ينساك
انته ابوسط روحي وكلبي الدافي
سدني 25/7/2013
__._,_.___