شِلتَك حرِز يا ترف .. شِلتَك تراني اسنين
وإنتَ بچـذِب ما گلِت .. يا شلِب آنه الطين
ناطِر كتلني العَطَش .. يل ثغرَك ابساتين
ما ناوي أبعِـد ولَك .. حُـبَك صُـبَحلي دِين
بـلونَك أنَـه هل تِهِتْ .. يا سَحْنَة الحلوين
ما گِلِت چلمة نِفاق
كُلَه حچيي بِشتياق
وإنتَ يل ناوي الطلاق
شايف بعينك فُراق
او لونك بلون العراق
گولها او لا تستحي
خَلي حُبنه ينمحي
او ضيمه ايدير الرحي
نندِب الحَظنه ونگول
ما لِگه حُبنه القبول
فَرحه لَـ ولاد الأُصول
الحچي بحَيّهم يطول
السكروا ابوس اللحي
او كسروا اگلوب الرِحي
بَعَـد فُرگَه .. من السِنین
ضاگـت .. او فـاض الحَنين
گلبي .. شاب من الونين
ثاري .. لدروبك أمين
او صار دمعـه .. بعـين الحچايه
يچفي ادلال .. چانت هيبة اولايه
وتجي ارسومك تجيني .. وتملي العيون
تبـوگ النوم غـفله .. اتـهيج الظـنون
و أَرِدْ الشوفِتَك مِحتام
خِفِتْ اتغيّرَك الأيام
لگيتك طَعمَك الماي
بَسمَه و نـاي دِنياي
آيـه من الحِسِن آيـه
رَجفه بشـوگ فُختايه
وشِفتك بالمنام .. إليالي الفراگ
وعندك دليلي .. ساكن الراگ
صحِتْ يفلان إلَك .. مٌشتاگ مُشتاگ
وغيرك إلي بالدنيه .. ما لاگ مالاگ
فَزيت شِفتَك .. تَرس المرايه
گِلِتْ هذا حبيبي .. و كل الحچايه
گِلِتْ إنتَ حبيبي .. او غاية الغايـه