أيها الرجل أتخذ لنفسك زوجه وليحب ويرحم احدكما الاخر
عروستنا الحلوه يله زفوها
خلي الروح تهجع رسته لبسوها
مندايي
ملة الطيبين والنخوه
علم عالي يرفرف طرز التاريخ
من أدم اصلنا أمأصله الاجدود
نشع خير ومحبه وخير للموجود
هدم أبيض الرسته امكابل الرحمان
وعيونه تهل ايمان عطر ايزود
ماي أبجود
للعطشان ماي أبجود
خاشع رافع الجفين يا هيي
أحفظ كل اهلنا وناسنا الطيبين
كل الداي كل الناس
يله ابدي يكنزبرا
اردد اقره البوثات
دمعي ايسيل
ظل حتى الفكر حاير ترى ابأمره
أهن ساعه أهن ساعات
وأعيشن غافي أبكتره
أصبغنا يكنزبرا
وشيل من الكلب حسره
ما أشعل شموع أشعل ترى العشره
مندايي أصيل وساكن البصره
طيبه أتفوح
ياأهل السلام وخير مسره الروح
وأنا لابس الرسته
التاغه
أتعط عطر وبخور
الهميانه ضوه وبلور
الكليله أمنوره الكصه
غصن الياس عل هامه علامة نور
يكنزبرا عله بختك
الطريانه تتكلم
خلها ادور ...خلها اتنور
خلها تكتب ألنا اسطور
تحجي قصة الاجيال
زلم أسباع
ما تركع ابد للكاع
ما نرضه الشمس تنباع
سامع بالشمس تنباع
مندايي الشمس ما تخمد وتلتاع
من ادم بدت وشيت وألاتباع
جذور اوساع
ما تخمد لون تطبك عليها الكاع
ما تنباع ...ماتنباع
خذني للشريعه فدوى ترميذا
غطني أبماي وخلني اشعر أبعيده
غطني أبساع احبه وروحي أتريده
غطني مو ثلث مرات
غطني اكثر
بلكي الروح تهجع من تجيس ايده
كثر لي بالميه
وخلي أبكلبه حنيه
خليني أعيش أبشمسه وبفيه
ونتقاسم الخبزه
جوز ولوز أخلاص اووفه رمزه
شوكت يصبح اليه ونكسر الكوزه
أبيت الرهمي كعدوني
وحلفوني
وهيي افديله اعيوني
وحك الياس وحك الناس
بختك درفش اليهيه
خلها المركنه ادور
يله اكسرنا الكاس
وخلنا أنطك راس أبراس
شفت الكله منصوبه
البخور ايعط
بالطريانه لتحطون ياس وقطع فضيه
حطو ا لروح والريه
أفرشولاه الكلب خل يهجع أشويه
ثوب أخضر
وفه وأخلاص ومعطر
يشيخ اكتب الملواشه
تراني هوه بث انهر
وحبيب العمر كنزبرا
تره امه مليحه وهو برياور
فص أحمر
حط عيني عوض ياقوته يله امهر
وأذا ردتو شذر عونك ترى الايسر
محابس للمهر اعيوني تتصدر
زبيب وجوز
تمر ولوز
أصيرن لك جسر لو جاك ضيم وعوز
عرسك فوز
يله اكسرنا الكوز
وخلي أشموعنا تضوي
وخليها الهلاهل تصدح وتدوي
شوكت العين تشبع منه وتروي
شوكت أيحل عليه الخل
خلنا ابجسد واحد حل حلال الخل
صبح خلي أليه وبيه أتغزل
ثاني الكوز من هلهل
سمعت صوت الهلاهل والطبل يصهل
لا تفتحلي زناري
ولا أفتحله زناره
شدنا أبرباط الكشطه يا ماري
يهيي أحفض المندايي
وخلي درفش اليهيه علم ساري
يظل درفش اليهيه أمضوي أبداري
بأسم الحي
وبأسم العارف بالحي
أحفض دارتي يا هيي يا ماري