يبقى الهوى بغداد
عشر الملايين الهواهم ولا لي عوض
فاركتهم بالرغم فرض علي انفرض
وما صاحبي بعدهم غير التعب والمرض
والدمعتين التنام بشعري تالي الليل
اكول خلصت وثاري الخلص بس الحيل
أدري جبيرة الأرض بس مالي بيها غرض
نام اللي احبهم تره ياقلق بسك عاد
بعيد فيَ النخل والغربوك بعاد
ولهل الحدود الوفا ياقلب ماينراد
دنياك كلها سحر تيه بسماها طير
كطع خيوط الشرك وتعلم من الغير
ليش المحبة وقف الا على اهل بغداد
باريس.....باريس حلوة شكثر ماكول
بس بغداد تظل دمعة عيوني من احجي
وتظل ضحكتي الصدك وتظل طعمة الزاد
وبغداد مشية بطر وي نهر المخوف سدوده
نومة سطح والتحبه موسدك ايده
ريحة تراب الدرب مرشوش عصرية
سهرة احباب على شاطئ ودنية كمرية
وفزة هلا بجية محب بلا ميعاد
وبغداد عمر الكضة والبعد ماينعاد
وعمر اليجي ويسوة لو وياك الي ميعاد