• افتتح المزاد
واليوم ستباع بغداد
ترى من يشتري أرض سندباد !
صاح المنادي طرباً تعالوا أيها العرب
فقد جاء يومنا بعد هه الحقب
فاليوم أفتتح المزاد
واليوم ستباع بغداد
ترى من يشتري أرض سندباد
من يتشوق لحكايا شهرازاد
إذن..فليدخل المزاد
هنا مهد الانبياء
هنا مرقد سيد الشهداء
هنا لامس السياب يد الخنساء
فمن يدفع أكثر !
صاح أحد الأثرياء
أنشتري أرض الرافدين بلا ماء !
وسماء باعوها مقدماً للحلفاء
فأين الستر وأين الغطاء
أتدرون ماذا أنتم تشترون !
لقد كانت بساتين النخيل بالخير حبلى
وماء الفرات ما أعذبه وما أحلى
وجبال...بكرامة العراقيين صارت أعلى
أما اليوم
اليوم فسياع كل شيء بالمرة
ستباع شناشيل البصرة
ودعوات الفقراء في كل حضرة
وستباع
حتى مجلس الثورة
فمن أراد أن يشتري البلاد
إذن فليدخل في المواد
فصاحت بغداد باكية على من تزايدون
أنتم من جعلتموني أعبد الطاغوت
وأحيا بالشقاء كل يوم وأموت
أهكذا تحاربون من كان عنكم يذود
فاكملوا مزادكم هذا فقد أكملت أقوالي
ولكن...أتدرون ما الذي يقطع أوصالي؟
أن المنادي هذا...صار هو الوالي

شفتا فمك خالي من القبل
ووجهك..
خالٍ من الرغبة لعناقنا
وامنياتك عذراء
وصباحك بلا ديكَ
وابناءَك عرباتٍ يجرها الموت
واناشيدك..
صياح من فم المقابر
ولونك اصفر
ويومك بطيء
شتاءَك متقاعد
وحلمك مريض
لأنك..
بارودٌ مزروعٌ في منتصف الليل
يتحين الفرص
ليزرعَ عبواته بين أجسادنا
لانك..
أول وآخر من يرتجف
وأول وآخر من يبقي صامداً
لانك..
ما يُدون من اساطير
وما يُكتب من قصص
وما يُقرأُ للعصافير من صلوات
وما يُدفن من حقد
وما يُقبّل من فراق
وما يُؤتي من دهشة
وما يُسمع من ناي
وما يُناشد من استنكارٍ وشجبٍ وصمتٍ طويل
انك وهمَ
لانك
وطنيِ..
قاسي ً كقصيدةِ غزلٍ
غيرُ آهلةٍ للعناق
وموحشة كدربٍ لا ينتهي
وطيبة كوجعٍ قديم
لانك..
آخر احرف الهمس
وآخر مدن نداء المحرومين
وآخر ربيعٍ يرتدي فراشة
وآخر كوب شاي
في آخر مقهي
لانك..
المدن حين تهاجر
والريح
حين تنذر بالانتظار
لانك
وطني ....
الّذُ وجعٍ في خاصرة الزمن ..
وارق من استغاثت أرملة
واوحشُ من ليلة غربة
لانك..
الناي المهشم في أوقات الفرح
انك ...وطني

تمر الايام وتذوي تحت ركام الزمن طفولتنا الجميله ولكن 

القهقري يعود بنا الى الوراء ....الى الماضي الى الطفوله

والطيبه والمحنه اه ياطاحونة الزمن لقد انتهى العمر ونحن 

في الغربه

رديت الچ ديرة هلي

رديت با بصرة هلي

حضنيني ابلهفة محب

وبصوت عالي هلهلي

يگلي الوكت موش اهيه الك

أصرخ واگولن كلها لي

رديت وهموم المدن

بجيوبي مليانه ملي

دموع وقهر

نوح وسهر

والغربه بيها مبتلي

صارت غصب گوه علي

يله يبصره شملي

الدموع نشفت والشفاه اتصيح

ياهو اليشتري

وينه الرباط

النهر ناشف والوجوه امغبره

نتناه لو ما يمتلي

مد وجزر

صار الجزر والمد تركنا

وخندگك علگم شري

دينار ما جنه انس

ما ظن اجاه العيد يتناه من امس

فرحه وعرس

العشار غنوة شوگ الك

ياباسم وخالد طفولتنا ملك

كلهم هلك كلهم هلي 

بس صيح عونك ها بلي

نذكر ايام الطفوله والمحبه والمحنه

والحسينيه العزيزه

وشارع المترب همومه تنجلي

يحجي للاجيال قصه

قصته ما تنطري

ومدرستنا اشحلو اسمها

مدرسة گرمة علي

اذكر اسليمان يصرخ

گولو دار گولو دور

مايگول اسم المحله والمدينه

ونبقى احنا بأنتظار

امشي مشية مستقيم ولا تدور

ولا تشم ريحة بخور

أكتب ..اكتب ولا تحط اسم الوطن

بين السطور

وأحنا ابسدني يباسم نذكر ايام الصغر

شلون خلص هاالعمر

شلون دارت الاسطوانه

وتاه من عدنا الگمر

بيش خلص ها العمر

لسه وايام الطمامه وجسر الاحمر

والتميميه

ولسه بستاتك فؤاد اتصيح بصره

وتصدح ابغنوة فجر

صدگ خلص هل العمر

خلص ابلوعة سجن

خلص ابسجن الرمادي والعماره

قاعه خمسه قاعه سته

مدري خلصنا اشكثر

والجناسي صارت اوراق المحقق

وشرطة البصره التدقق

وجعفر أغائي وفاضل

صارو النا اصدقاء

وشرطة التسفير محراب الصلاه

تحضن اسباع وأباه

هذا ضلعي انكسر ذكرى

ورد تجبر

يمته يتحقق مناه

ضاع ليل الانتظار

وصاحت الغبشه تره صار النهار

مدري ظلمه مدري نور

ننتظر دشت حمد

بلگي ياتينا القطار

تالي طلعت سكه ماكو

والمحطه قفلت بيبانها

وأحنا نحلم نحلم انخط الشعار

ومدري احنا شنهو صار

هم نظل نتني القطار

ويا قطار أيگول عونك

ويشيل مكسور الجناح

ضاع من عنده الصباح

تاه لا حرثه أبطريقه

وچفه ايلاوي الرياح

وراح ....راح

راح للظلمه يدور

خلص عمره

والعظم ابدا ما لاح         

   آنه  أمَّـــك   يـَـ " إلتفــات " ..

                  خلـِّي  تِسمَعني  الطغـــــاة ..

   خلـِّي  تِسمَع  من  جـِديــد ..

                  إحْنـَه  مُــو  إلـْـهُمْ  عبيـــد

   آنـَـه  أمْ  الشهداء ...

  " إلتفــات "  و  " رعـــد " .. والثالث  " رشيــــد  " ..

   وكِل  شهيــد  ،  بروحي  خضَّــر ..

                    سِــكــَنْ  روحي  كِل  شهيــــد ..

   إنتـُو  لعيون  الوطن  أحلى  وسام ..

                   عِـقِـد  ضاوي عالصدر ،  يبقـَه الوحيــد

                                   *******

   وراح  عيـــد ..  إوْ  إجَــه  عيــــد ..

                         والحزن  يُــمَّه   يِــِـزيـــد

   لا خبر  منكم  إجــاني ..

                       لا  وصيَّــه  ..  ولا  بَريــد

   شگــد  بـِچَـيــت ..  وْدَوِّرَيــت  ..

                          نـِـزَف  گلبـي  والوريــد

   دَگــَّيت  بيبان  السـِـجـِن ..

           لا  " سِجن "  يـِنـْطـيني  نِشْــدَه ..

                     لا  " أمـنْ  "  يـِسْـمع  شـَريـــد

                                   *******

   راح  عيــــد .. إو إجَــه  عيــــد ..

                       ألـْـهَمْ   بصبري   وعِـيــــد 

   حتى  صَبري  خِلـَص  ،  يُمَّــه ..

                         والصبر  ما ظِنْ   يفيــــد ..

   والعُمـر  خِلـْصـَن  أيامَـــــه .. 

               والأمَـل  ضاعَن  أحلامَـه ..

                           وأنتظركم  مِن  جـِديــد ..

   أنتظر  دَگــَّـة  البــاب ..

                     وأحضِـن  بروحي  الأحباب ..

   بَوسَه  مِنْ  عْيونكم  ، يُـمَّه ..

                     تِسْــوَه  عندي  ، ألف  عيــد

                                   *******

   راح  عيــد .. إو  إجَــه  عيـــد .. 

                     والأمَـــل  عِدْنـــه   بـِعـيـــــد ..

   وإنذِبَـح   باقي  الأمــل ،  مُصباح عيــــــد ..!

   طـَـوّقـَــوْ  بيــت  الحـــزب ..

                 دَگــَّــوْ  البـــاب  إبـْـ  رُعـــب

   سَـلـِّـمَـونـي  أوراق  تِـنــــزف ..

                     إمْـعَـمِّـدات  بدم  شهيــــــد

   ورقه أولـَـى ... !!

           بيهَــه  غِنـْــوَة   لــِ " إلتفــــات "...

                        بْـنِـگـرَة  السلمان  چانـَتـْـلـَهْ   نشيــد

   ثانــي ورقـة ... !!

          مبتِسـم  بيهَـه  " رعــــــــــد " ...

                 يْگِـلـِّي  يُمَّــه  هَـلـْهـِـلي .. إبْـنِـچ  شهيــد

   والأخيـــرة ... !!  

            الأخيرة ... شايلـَه  ضحكة  الدِيــرة ..

                     چان  يـِمْـلي  السَـلف  بيهَـه  " رشيـــد "

                                   *******

   طالـَبتـْهُم ..؟  وْدَمـْـعِـتي  بين  الجـِـفِـن  والعَـين ..!  

                             بَعَد  يَمكم  مِنْ  زِلِمنـَه  إثـْنـَيـــن ..!

   خـَيمـَة  إبْنـَيْتي  الوفي  " جبّـــار "  النِسيـب

                وْزَهْرَه  مِن  أزهارنـَه  " سعدون "  الحبيب

   جاوُبَونـي  بكل  برود  أعصاب ..

                                   باچــــر إنـْـوَدِّي البريــــــد .. !

                                   *******         

   إصْـفـَنِتْ  عـَلْ  المهزلـة  ..

                  وْعَـلـَى  " حكم  المَـقصَـلـَه  " ... !

   مَ  أدري  أضحك .. مَ  أدري  أبچي ، مِن جـِديــــــــد

   شِفِــتْ  ،  لا َ الضحكة   تِنفـَــع ..

                    لا َ البَـچـــي  إلــ  حِـزنـــي   يـِـفيــــــد ..

   لن  بـِـيُـوت  النــاس ، غـَـرَّگـْـهَـه   الحِــزن ..

              والحــزن  صارِنـَّـه  عــادة  .. والدَمِــع تقليـــد

                                   *******

   وراح  عيد .. إو  إجــه  عيــد ..

                        وْمَرَّن  ثلاثيـــن  عيــــــد  ..

   لا  أثر  منكم  لِگــَينـَه ..

        لا  " گــَـبُر "  ما بين  إيدَينـَـه ..

                 باچــــر  يْزورَه  الحفيـــــد ..

                    يشبـگ  تــــــــراب  الشهيـــــد

                         القاوم  التعذيب  وِقـْيــود  الحديــد ..

   إوظـَلْ  يـِغـَنـَّي  إلـ  دِجلِتـَه  ومايْ  الفرات ..

                        غِنـْـــــوَة  النــــاس  وأمَلـْهـَــــه ..

                              الوطن حُـر وسعيـد .. الشعب حُـر وسعيد ...

تغربنه .....والغربه شكثر مرّه

نجر حسرات والحسره بأثر حسره

وهجرنه الوطن وأرواحنه مكدرة

غدرنه الزمن بأفعاله الرديه

عله فراگك ياوطن الروح متوجعه

مذلولين وكاس الذل منو يجرعه

خوفي يطول فراگنه وماإلنه رجعه

جذوري بكاعك تنادي عليه

يمته نعود ونتهنه بحلو صبحك

فيروز التغني والشمس ألك تضحك

واشوفك تشفه ويبره من الألم جرحك

ريتك تشفه ويصير الجرح بيه

دورنه بكتار الكون بشرقه وغربه

وتعبنه ومالگينه وطن مثلك نحبه

يبو النهرين فرگاك شكثر صعبه

على وصالك ترد الروح ليه

كبرنه بعاد عنــك مو بــيدينه

وبسيرتك صبح ومسه ينوّر حجينه

عگب عينك يغالي شصار بينه

وبعدنه نتباهى بهويتنه العراقيه

يالساكن بنص الگلب وساكن صبا عيني

تعبني لفراگ وذبت من شوگي وحنيني

أونْ توالي الليل طيفك لو يجيني

ونّه مبينه وونّه خفيّه

يخلي أمشي نرد للوطن ونعود

ذبلن هروش الگلب ماظلْ فرد عود

أحنه أهل الأرض ولسومر نعود

ماريد بالغربه توافينه المنيه

يـَعيبُ عليَ ثرثرةً

و يفوقني ثرثرةً وكلامــا
ويعيبُ عليَ جهالة ً
و يجهلُ ما خلفَ المرايــا
ثم يسخرُ من مشاعري
وهو جاهلٌ بما تخفيه النوايــا
يقول لي :
تكلمي ... ثوري
دمقراطيٌ ... أنـا
لا تخشي شيئـا حبيبتي
لا ... لا تخافي
ولكن حذاري
التفوهَ بذاك ... وهذا
و حذاري
أن تسألي وتجادلي
بكيف ... ومـاذا
أفرحي حبيبتي
و أمرحي ... تدللي
ولكن إياك و فتـحَ
النوافــذِ.... و اقفلي الأبوابــا
أبقي في البيت هنـا
أكنسي ... وأطبخي
وتثقفي قليلا
وأقرئي الكتابـــا
انحنيتُ كالخجلى
وقلتُ
سمعــا وطاعة ... سيدي
فأنـا لا يروق لي
شجارا ... وأكرهُ العصيا نـــا
فأنتَ طاغية ٌ مولاتي
وردائكَ البراءة
سوف أبدأُ ُ بأول درس
وأحطمُ ... الأقفالا
والعلمُ أن رغبته
سوف ألقيه هناك
عند الناصية
وعند منبر الكُـتابِ
ورداءِ مَن يشــهر الأقلامـا
لستُ بجاريةٍ ... سيدي
لتملي عليّ أوامرا
وتوصدُ ... الأبوابـــا
ولستُ بساذجة
تغريني بمعسول الكلام
وتسحبُ من تحتيَ البساطــا
هذا أنــا يا سيدي
فهل لديك
سؤالا ... أو تأتني جوابـــا

يالتســأَل عليْ وانتَ أَدرَه ْ بالـحال
حزينة الروح مِن يوم الوطن عفته ْ
غَريبة دار تـدري وشبـَعتْ هـموم
ونهش گلبي الحزن والفرَح ماضگته
خلصْ عمري إبَّچي وبوداع الاحباب
وعلى خدّي الدمع من دمــاي أكتَّه
وأشوف الوطن ناسه تنذبح كل يوم
والطائفيَّه من الشعب باگتْ ضحكْته
مثل مركب يهيــم ابـلــَيــَّه اشراع
وقبطانه حاير بـيـه ْ ومتَيِّه وَجـهتَه
ماتبَّدل حاله وبقه نفس ذاكَ الحال
ومابيهم المـَد ْ إيده ونـشَّف دَمعتـه ْ
نفس ذاك الضيم بس تغيِّرَت الوجوه
وچماله الارهاب صَب عليه لَعنْتَه
شگد حـلمتْ نـردْ لديـارنـه بيـوم
وأشوف الــوطن خلصانـه محنـتـه ْ
وأرتوي بماي دجلة وأغتسل بيه
وأگـعد على ضـفافه وبـفيـَّة نخلته
وأشكي جرحي لكل هلي الطيبين
عله سيف الغربة الشلَّتني طعنته
أثاري چنِتْ أبـني عالوَهمْ آمــال
وعن بالي الحلم من گاعه شلتـَه ْ
عـراقيـَّة أَنا وبـس بالأسم ظلـّيت
مشردة والاغراب تتنعَم ْ إبجنــته ْ
وسفه عفنه الوطن بيد اليجزرون
وكل واحد يتاني من الذبح حصته
گلــّي يــازَمـنْ مـنّا بَـعــَد شـتـريــد
ماكَفــّاك من ْ عمرنـه اللي أَخـذتـه ْ
كافي مو بينَه لعَبتْ أشكال وألــوان ْ
صبَرنهْ صبرْ أيوب والصبر إمتحنتهْ
وأدعي على الخلانَه بــهاذ الــحال
من عَساها إن شـالله بـحظَّه وبَخته ْ

...... ارد انشدج
صدت اعيونج كره لو حب اليه
لو دلع بنت الفرات الماروت من غير ميه
...... جيت انشدج
..... جاوبيني
شارع العشرين مايجبري خاطر
وي فلك طره
اشكثر مني يتحمل خطية
أنه من صباي موعود اعلى شوكَه
اشكَد تمرغت اعله كَلبه ودست فوكَه
من حليب اترابه رباني وحملني
اسنين يابو اسنين دفاني وحضني
واشكثر حلوه الليالي وياه مرت
عاشرتني بطعم مرهه وعاشرتهه
حرز فوكَـ الزند من زغري شلتهه
جانت احلى ايام عمري
وغنوة العشرين هيه
ياشارع العشرين رديت اعلى شوكَك
....بالخمسين العمر
اشجابني واشوده بيه
.... ارد انشدج جاوبيني
هم مشيتي بجدمج الترفه على الحبوبي يوم
دستي ع ترابه وجزيتي
اشكد حملتي اذوب منه وما دريتي
شارع الحبوبي ياحلوه يعثر
ياعذاباتي وحسرتي
وياجمال الناصرية
ياهوه عذيبي يلفحة شوكَـ
يازهره نديه
..... جاوبيني
يالضحكتج غنوه بحلوك الزغار بيوم عيد
يلي اسمج احلى نغمه ابين جلمات القصيد
ومن يلوح اهلال وجهج روحي تجفل
وبسحر عيناج اتيهن ياعيون النرجسية
ياهوه الحبوبي والعشرين
ياسحر الفرات ... ويافخاتي الناصرية

ريم مناضلة سودانية من مدينة أم درمان .. و أم درمان
عاصمة السودان الصيفية والثقافية .. تعشق الشيوعيين
العراقيين , وتعتبرهم ورثة الفكر اليساري العربي الشرعيين

أم درمان .. أم درمان
يا بيت القصيد .. و حنة العرسان
يا شوگ السكن بالروح .. يا
حلوة غصن يا بان
سألتچ ريم .. إنتِ منين
وليش الدمع .. ع الخدين
گلتي يا زول .. الجرح بيّه
ومِنّه حِنة .. هاذي دَيّه
آنه .. يل تسأل عليّه
شتله عالنيل .. إزرعوني
سنين مرّت .. ما إجوّني
ذوله السكنوا .. عيوني
على أفكاري .. ضيّعوني
لحظه ما شفت .. الحنان
بحضن أمي .. ومن زمان
إسمي مرسوم .. اعلَ جلدي
واليحبني .. او يحب ودي
يقبل ايعيش .. التحدي
يمسح الدمع .. الـ بخدي
حتى .. لو آن الأوان
او ردِتْ .. و احتاج إنسان
سري أگوله .. وخَلْ يبان
أحبك يا غَلَى روحي .. ماي
فِكر .. لأم درمان